DILI – Ekipa Voleibol Feto husi Universidade Nasionál Timor Lorosae (UNTL) sai Kampeaun ba Festival Desportu Akademiku Timor Leste (FESDATIL) hafoin manán nia ekipa adversariu Universidade Universidade De Dili UNDIL ho score 3 versus 0 mamuk.
Jogu entre UNDIL kontra UNTL ne’e hala’o iha kampu multifunsaun SEJD, kuarta (25/11/2021), ekipa rua ne’e hahú set dahuluk iha tuku 16:00 OTL.
Iha inisiu jogu seet dahuluk, ekipa rua hotu hotu hatudu jogu ne’ebé furak no atrativu maibé UNTL ne’ebé haforsa ho jogador timnas balu konsege ukun kedas set dahuluk ho pontus boot 25 kontra 16.
Kontinua ba jogu set daruak UNTL ho esforsu oioin husi UNDIL no halo mudansa ba tatika jogu maibé UNTL ne’ebé ha jogu mais esperiénsia no tatika di’ak liu kontinua lidera ho pontus boot liu 25 kontra 14.
Kontinua ba set da tolu ne’ebé sai nu’udar determina ba vitória UNTL maske UNDIL esforsu makas hodi satan bola ne’ebé lansa husi ekipa UNTL maibé ikus mai ekipa UNDIL ikus mai obrigadu tenke rende ho pontus 25 kontra 21 vitória ba UNTL hodi sai Kampeaun ba Festival Desportu Akademiku Timor Leste (FESDATIL) 2021 ne’ebé partisipa husi universitariu 16 iha Timor Leste.
Reportajen: CharllY
