Dili – Ekipa Voleibol Mane husi Universidade Nasionál Timor Lorosae UNTL sai Kampeaun ba Festival Desportu Akademiku Timor Leste (FESDATIL) hafoin tidin nia ekipa adversariu Universidade de Dili UNDIL ho score 3-1 iha Final.
Jogu ne’ebé hala’o iha kampu multifunsaun SEJD kinta (25/11/2021) ekipa rua ne’e hahu jogu set primeiru tuku 4:45 OTL.
Iha inisiu set primeiru ekipa rua hotu hotu hatudu jogu furak no atrativu maibé sorti di’ak monu ba ekipa UNDIL hodi lidera ho pontus mihis 26 kontra 24.
Kontinua ba set daruak ekipa UNTL konsge rsponde hafoin manán ho hikas ho score 25 kontra 22, ho nune’e ekipa rua ne’e tenke hanaruk jogu ne’e to’o set haat.
Tama ba iha set terseru UNTL kontinua hatudu sira nia jogu atratvu no intesdade jogu hodi ukun hikas iha set terseru ho pontus boot liu 25 kontra 13.
Tama ba iha set da haat UNDIL iha mehi para atu hanaruk set ba da lima maibé iha set da haat ne’e sai nu’udar determina ba hodi sai vitória ho nune’e UNTL hakoi kedas mehi UNDIL nia hodi save ba vitória ho pontus 25 kontra 17.
Ho rezultadu ne’e lori ekipa Universidade Nasionál Timor Lorosae (UNTL) sai Kampeaun ba Festival Desportu Akademiku Timor Leste (FESDATIL) tinan 2021.
No ekipa UNDIL obrigadu tenke okupa iha segundu lugar.
Enkuantu terseru lugar ba modalodade Voleibol mane ne’e okupa husi UNITAL.
Premiu ba primeiru lugar husi modalodade Voleibol mane ne’e totál osan $ 100 no segundu lugar hetan osan montante $ 80
no terseru lugar hetan osan montante $ 60 no ekipa tolu hetan tasa ida ida
Reportajen: CharllY
