DILI- Federasaun Karate-Do Timor-Leste (FEKATIL ) prepara ona atleta nain lima partisipa Sea Games iha Vietnam iha fulan maiu tinan ne’e.
Maski la iha kampionatu nasional iha tinan 2021, tanba ho situasaun pandemia covid-19 maibe federasaun bele halo de’it preparasaun ba atleta ne’ebé iha esperiensia.
“Ami prepara ona atleta nain lima feto Ida no mane haat ne’ebe sei partisipa Sea Games 2022 iha Vietnam no komesa iha fulan Ida ne’e Ami halo treinu intensivu ba atleta sira iha ami nia fatin treinamentu, iha Delta,” Vise Prezidente FEKATIL Emilio Aparicio ba Jornalista sira iha edifisu CDTL, Colmera, Dili Segunda (24/01).
Maske nune’e, atleta sira nia preparasaun hahu kedan husi tinan kotuk, iha situasaun covid-19 nia laran.
Vise prezidente hatutan,” federasaun Karate-Do nia preparasaun iha tinan kotuk kedas maski governu halo Serka sanitaria tanba pandemia covid-19 maibe atleta Sira treinu nafatin iha sira nia uma depois remata sira treinu konsentra iha fatin treinamentu federasaun nian iha Delta”.
Atleta sira ne’e hotu selesiona tuir esperiensia jogu iha kampeonatu nasionál 2018 no 2019 no enjerál iha esperiensia mos iha eventu internasionál, liu-liu iha Asean.
“Atleta sira ne’e Federasaun selesiona husi kampionatu nasional iha 2018 no 2019 ne’ebe konsege partisipa ona eventu Azia Karate-Do nian iha Jakarta no Kupang, Indonesia iha 2019 no sira konsege sai manan nain iha eventu ne’e, Atleta sira ne’e mak federasaun prepara ona partisipa Sea Games 2022 iha Vietnam” tenik nia.
“Federasaun sukat sira nia prestasaun konsege manan nasaun balun hanesan Brunei Darussalam no Laos ne’ebe federasaun iha konfiansa boot ba atleta sira ne’e”. Tenik Nia
Atleta nain lima ne’ebe preparadu ona atu partisipa iha Sea Games 2022 iha Vietnam mak Andreas Kefi sei joga iha klase -60kg, Deonisio F. Kefi iha -67kg, Fidelis P. Soares iha -75kg, Lucelia Cardoso iha -68 kg no Bernardino iha Jurus/kata.
ADS
