DILI – Governu Timor Leste atraves husi Sekretáriu Estadu Juventude no Desportu (SEJD) hamutuk ho Confederasaun Desportu Timor Leste (CDTL) atribui abonu ba atleta na’in 5 ne’ebé mak hatudu ona prestasaun di’ak iha tinan kotuk
Atleta sira ne’e mak simu premiu abonu husi SEJD ho CDTL ne’e tanba hatudu ona sira nia prestasaun iha tinan kotuk liu ba. Núne’e governu fó fundu nu’udar apresiasaun ba sira prestasaun iha eventu internasional.
“Ha’u kongratula ba kolega atletas medalladu sira ne’ebé tuir ona eventu sira iha rai li’ur, maibé governu mós hatene no fóin mak hatene foin rekonese ita boot sira nia prestasaun” dehan Sekretáriu Estadu Juventude no Desportu (SEJD) Abrao Saldanha iha Timor Plaza Dili (05/02).
Tuir membru Governu ne’e katak, iha diploma Ministerial ida atu rekonese atleta ne’e halo ba kategoria ba kompetisaun lubun ida no kompetisaun ne’ebé la tama lista ne’e, hanaran premiu esensionis ka pengecualian, maior parte ne’ebé tuir kompetisaun ne’e tama iha lista premiu pengecualian.
Nune’e mós Prezidente Konfedersaun Desportu Timor Leste (CDTL), Macario Sanches, informa Governu Timor Leste, liu husi atraves SEJD liu husi CDTL oferese Fundu ne’e nu’udar apresiasaun ba atleta sira tanba hamorin ona Bandeira Timor Leste
“Ita nia oan sira ne’e ohin governu Timor Leste atraves husi Sekretáriu Estadu Juventude no Desportu (SEJD), liu husi Konfederasaun Desportu Timor Leste (CDTL), sei oferese Fundu nu’udar apresia sira nia kontribuisaun ba Repúblika Demokrátika Timor Leste” tenik Macario
Atleta na’in 5 ne’e mak Romeiro de Deus husi Federsaun Atletismu hetan medaila osan mean 2 ho nia montante orsamentu hamutuk $ 3,000.00 husi nivel Juvenil Roberto B.A. Soares atleta nain rua ne’e tuir kampeonatu iha sudeste Asiatiku no medaila osan mutin 2 no osan metan 1 ho montante orsamentu 2,750.00. ho Natilva Marcal Trindade, rekolla osan mean 1 no osan mutin 1 ho montante orsamentu 2,500.000, husi Federsaun Taikondow na’in 2 mai husi atleta Novelia Fernandes Fraga ne’ebé tuir kampeonatu Desportiva CPLP nian medaila osan mean 1 ho nia montante orsamentu $ 750.00 no mós Gelivalda Lady da Silva, hetan medaila osan mutin ida ho nia montante orsamentu hamutuk $ 1,000.00.
CharllY Junior
