Dili – Klubu Famozu Lalenok United Fc deside rejigna an husi kualker atividade futebol Timor Leste tan la satisfas ho parte FFTL ne’ebé foti dalan pasivu iha kazu ne’ebé jogadór internasional Italo keisa kontra sira.
Molok ne’e, FIFA liu husi Tribunál Futeból hasai desizaun iha 28 marsu 2022, hodi obriga klubu Lalenok United Fc atu selu jogador italo pimental soares iha loron 45 nia laran. tan, parte Klubu nafatin reziste hodi la kumpri desizaun refere maka FIFA hahu implementa sansaun ba Lalenok atu labele fan no sosa jogador tantu nasional no internasional durante period tolu.
Ho nune’e, iha loron 23 juñu foin lalais, Prezidente Lalenok United Fc haruka karta ho nu referensia 03/LUFC/VI/2022 ho asuntu karta rejigna aan husi atividade liga futebol Timor Leste ne’ebé deskreve rajaun principal ba klubu hodi deside taka permanente hosi atividade liga futebol Timor Leste.
“Problema jogador Italo Pimental ne’ebé afeta tebes ba dignidade klubu, jogador refere lori keisa ba to’o FIFA no ikus mai desizaun fo sai katak klubu tenke selu osan ho montante $7,500.00 hanesan kompensasaun ba jogador refere tan tuir FIFA klubu Lalenok United Fc la fo salariu ba Jogador refere”
Enkuantu, tuir Lalenok untied fc katak buat hotu regula iha kontratu ne’ebé hatama ba Federasaun, maibe bainhira akontese problema Federasaun la ajuda ka buka solusaun ba problema refere tuir kondisaun hotu mak hatur iha kontratu.
“kontratu jogador hotu, klubu hatama ba federasaun maibe bainhira akontese problema la ajuda hodi resolve ka buka solusaun ba problema”
Iha parte seluk, FFTL konsidera problema refere la konsege resolve iha Timor Leste, nune’e kontinua to’o FIFA hodi deside sansaun hirak ne’e.
“La konsege rezolve iha Timor laran buat ne’e sai ba iha FIFA entaun FIFA mós hatene entaun fó duni sansaun ba Klubu no mós Federsaun” Diretor Relasaun Publikas Diego Neto Fraga ba jornalista sira iha Estadion Munisipal Dili, segunda, (27/06).
Ho nune’e, klaru katak ho rejignasaun permanente Lalenok United Fc husi atividade Liga Futebol Timor Leste nu’udár hakarak atu halai husi desizaun FIFA ba selu italo pimental soares no iha tempu hanesan halai husi sansaun ne’ebé FIFA hatodan ba klubu.
ADS