DILI – Diretor Finansa Sekretariu Estadu Juventude Desportu (SEJD) Guido Monteiro informa, Segunda feira semana oin sira sei prosesu subsidiu ba atleta husi Atletismu no Boxing, enkuantu ba taekwondo seidauk.
Molok ne’e SEJD ona distribui ona subsidiu ba atleta sira iha forma plaka hodi hein relatoriu husi kada federasaun atu bele prosesu aba Ministeriu Finansa. Nune’e, semana ida ne’e dokumentu finaliza ona atu bele kontinua prosesu ba Minesteriu Finansa iha semana oin.
“Prosesu dokumentasaun ami finaliza hotu ona ne’ebe hein segunda-feira semana oin ami hatama ba Ministeriu Finansa atu manda orsamentu ba konta bankaria Federasaun idak-idak”, diretor finansa Guido Monteiro ba jornalista sira iha nia knaar fatin Lesidere, Díli sesta (1/07).
Nia hatutan, federasaun taekwondo mak seidauk. tanba dokumentu iha hela diresaun desportu alta kompetisaun ne’ebe ba federasaun atletizmu ho Boxing finaliza ona ne’ebe total proposta ba federasaun Boxing ho montante 12,000 USD no atletizmu ho montante 15,000 USD.
Atleta ne’ebe hetan medalla iha Sea Games 2022 iha Vietnam ne’ebe mak iha direitu atu hetan subsidiu husi premiu eselensia no esensional bolsu desportivu husi governu liu husi SEJD sei foti sira-nia osan iha kada federasaun.
Atleta hirak ne’e mak Felisberto de Deus husi modalidade atletizmu hetan medalla osan mutin rua simu total orsamentu 15,000 USD, Délio A. Mouzinho husi modalidade boxing hetan medalla osan mutin ida ho simu orsamentu montante 7,500 USD ho José Barreto Quintas ho medalla osan metan ida simu 4,500 USD no Santina de Sousa husi modalidade taekwondo hetan medalla osan metan ida simu 4,500 USD.
Alende atleta SEJD fo premiu ba treinador ka ekipa tekniku ne’ebe treinadora Odete Belo husi modalidade atletizmu hetan orsamentu ho montante 5,000 USD, treinador Gil Isaac dos Santos husi boxing hetan 4,000 USD no Master Kim husi modalidade taekwondo hetan 1,500 USD.
ADS
