DILI-Atleta nasional atletizmu Felisberto de Deus ne’ebe hetan medalla osan mutin rua iha Sea Games 2022 iha Vietnam agradese simu premiu husi Sekretariu Estadu Juventude Desportu (SEJD) ne’ebe manda ona orsamentu premiu ba Federasaun Atletismu Timor-Leste (FTA sigla portuges) hein loron balun federasaun manda ona ba atleta.
Felisberto de Deus agredese ba SEJD tanba sira manda ona premiu ne’ebe durante ne’e atleta Sira Hein ba federesaun atletizmu, nune’e iha hein loron tuir Mai federasaun bele manda ba nia konta bankaria.
“Hau agradese no orgullu ba governu liu SEJD servisu hamutuk ho federasaun ohin loron bele atribui ona premiu mai federesaun mak durante ne’e ami hein, ne’ebe SEJD fo ona mai federasaun hein aban ka bainrua federasaun bele manda ona mai hau nia konta bankaria“, atleta nasional atletizmu Felisberto de Deus ba jornalista sira iha edifisiu FTA, Caicoli Díli segunda (11/07)
Felisberto hatutan, nia sei esforsu nafatin treinu makas liu tan hodi hetan rezultadu diak liu tan ba Sea Games iha futuru.
Iha sorin seluk sekretaria jeral Filomena dos Reis dehan, SEJD manda osan premiu ba atleta Felisberto de Deus ne’ebe hetan medalla osan mutin rua iha Sea Games 2022 iha Vietnam tinan ne’e no treinador, ne’ebe ohin federasaun simbolikamente entrega plaka ba atleta hein loron rau ka tolu nia laran manda ba sira nia konta bankaria.
Sekretaria jeral relata, SEJD fo premiu ba atleta sira ho oin rua mak premiu eselensia no esensional bolsu desportivu ne’ebe premiu eselensia SEJD manda deit premiu eselensia ba atleta nia konta bankaria no osan bolsu desportivu sei nafatin iha federasaun to’o atleta presiza mak federasaun halo karta ba SEJD hodi atleta utiliza osan refere
SEJD fo premiu ba Felisberto de Deus ho montante 15,000 USD, kompostu husi premiu eselensia ho montante 10,000 USD no esensional bolsu desportivu ho montante 5,000 USD no SEJD mos atribui premiu ba treinadora Odete Belo ho montante 5,000 USD.
Premiu ne’ebe tama ba konta bankaria atleta Felisberto de Deus nian mak premiu eselensia ho montante 10,000 USD no premiu esensional bolsu desportivu atleta sei tau iha SEJD atleta presiza atu utiliza ba eskola no ekipamentu treinu nia mak federasaun halo karta submete ba SEJD para atleta bele utiliza Osan refere ho montante 5,000 USD
ADS
