DILI– Klubu Primeira Divizaun Liga Futebool Timor-Leste (LFTL), As Ponta Leste deside lakohi rejistu Liga Timorense epoka 2022-2023, tanba seidauk iha enkotru entre Sekretáriu Estadu Joventude no Desportu (SEJD), Federsaun Futebool Timor-Leste (FFTL) no Liga Futebool Timor-Leste (LFTL).
Foin lalais ne’e Federsaun Futebool Timor-Leste (FFTL), hamautuk ho orgaun Liga Futebool Timor-Leste (LFTL), lansa ona realizasaun Liga Timorense ba epoka 2022-2023.
Relasiona ho realizasaun Liga Timorense ba tinan ne’e Prezidente Klubu As Ponta Leste, Osorio Florindo da Conceicao, deklara, orgaun tolu kompostu husi SEJD, FFTL no LFTL seidauk enkontru ho klube sira hodi koalia kona ba orariu serteza no finansiamentu ba klube sira tanba ne’e sira deside lakoi rejistu hodi kompete iha Liga Timorense epoka 2022.
“Orgaun tolu kompostu husi governu, FFTL no LFTL seidauk enkontru ho klube sira hodi koalia kona ba orariu serteza no finansiamentu ba klube sira ami deside lakohi rejistu hodi kompete iha Liga Timorense epoka 2022 ne’ebe FFTL no LFTL fo sai ona sei realiza iha loron 18 fulan agostu tinan ne’e” prezidente AS Ponta Leste Osório Florindo da Conceição ba jornalista sira iha edifisiu Xanana Sport Center Bairro Formosa, Díli tersa (12/07).
Nia explika, klube sira iha ona kriteria rasik ko’alia ho orgaun tolu ne’e mak sira la aseita malu mak sira sei deside lakoi rejistu hodi kompete tanba lakoi sai vitima nafatin hanesan klube Lalenok United Fc.
Prezidente hatutan, tanba seidauk rona orariu serteza liga nian no finanseiru ba klube sira iha liga tinan ne’e sira seidauk hala’o preparasaun ba treinamentu nian tanba klube hala’o treinu ona ne’e jogador sira salariu mos la’o ona ne’ebe klube lakoi kontratu jogador to’o ikus liga adia hela de’it ne’ebe fiar katak klube hotu seidauk hala’o treinu mezmu klube hotu-hotu selebra ona kontratu ho jogador sira inklui Ponta Leste maibé jogu la’o mak selu jogador no hein katak orsamentu ne’ebe aloka mai SEJD no 3 billaun dollar amerikanu bele tau porsentu ida mai futebol hodi investe mai Liga Timorense epoka ne’e.
Nia dehan, klube tenki halo enkontru ho orgaun tolu ne’e para klube sira ho orgaun tolu ne’e konkoda malu lai hafoin hala’o tanba sira tauk kazu ne’ebé mak akontese bá Lalenok United FC ho Italo Soares.
Nia Salienta, liga domestika ne’e importante ba jogador lokal sira selae jogu lá lao prestasaun ba selesaun nasional U-23 iha Sea Games no U-19 iha kompetisaun AFF 2022.
ADS
