Dili — Kontijente Timor-Leste rekolla Medaila osan metan dahuluk, iha Asean University Games (AUG) ba dala-20, iha Ubonratchathani, Tailandia liu hosi atleta Felisberto de Deus hosi Modalidade Atletizmu.
Atelta Felisberto de Deus rekolla Medaila osan metan ne’e hafoin okupa terseiru lugar iha korida metro 10000, iha Asian University Games (AUG), ne’ebé mak hala’o iha Stadion Thai, Ubonratchathani, Tailandia, Kinta (28/07/2022).
Ho esforsu masimu hosi Felisberto de Deus no konsege muda ona tabela mamuk Timor-Leste nian iha AUG, hodi priense ona medaila, osan metan ida.
Ba JHD via whatsapp, Atleta Felisberto de Deus, hatete, sente kontente Maske ho kondisaun ain moras maibé konsege la lakon esperansa hodi kompete no ikus mai bele oferese medaila osan metan ida ba Timor Leste.
“Ha’u senti kontenti mak ho kodisaun ain moras maibé hanesan Timor ha’u la lakon espiritu atu kompete nasaun sira seluk” dehan Felisberto ba JHD via whatsapp
Nia dehan, kondisaun ain moras hela maibé doutor sira kompres ona ho es batu no bobar ona ho ligadora ne’ebé nia garante bele kompete tan iha jogu ikus ho korida velosidade metro 5.000, ne’ebé mak sei hala’o tan iha loron 30 fulan ne’e
Tinan ne’e Timor Leste rasik Partisipa iha Asian University Games ho Modalidade 4 kompostu hosi Modalidade Atletizmu, Taikondow, Volly Praia no Xadres.
Entretantu Asian University Games ne’e nu’udar eventu rejionál ne’ebé mak realiza kada tinan 2 dala ida no partisipa hosi nasaun 11 iha Asean hanesan, Tailandia, Myanmar, Brunei, Indonézia, Filipina, Laos, Cambodia, Singapoore, Malaysia, Timor Leste.
CharllY Junior
