Dili – Klubu Futsal hamutuk 32 rejistu ona iha Taça FALINTIL Futsal 2022, ne’ebé mak organiza hosi Média online Juventude Hadomi Desportu (JHD).
Taca FALINTIL 2022 ne’ebé mak organiza hosi Média JHD ne’e hahú loke rejistrasaun ba públiku iha loron 25 to’o loron 31 fulan Jullu tinan ne’e, no simu klubu to’o 32.
Maibé foin la’o loron 3 de’it klubu hamutuk 32 rejistu ona iha Taça FALINTIL refere ho núne’e komisaun organizadora ba Taça FALINTIL ne’e ofisialmente taka ona tanba klubu kompleta ona.
Jogu ne’e ho objetivu atu komemora loron FALINTIL ba dala 47 ne’ebé mak sei monu iha loron 20 fulan Agostu tinan ne’e.
Ba JHD, Komisaun organizadora Taça FALINTIL Francisco Lopes, espresa sentimentu kontente tanba bele organiza eventu Futsal Taça FALINTIL 2022
“Ami sente orgullu bele hetan fiar hodi organiza Taça FALINTIL ne’e, no ami apresia tebes tanba klubu sira antusiaismu tebes hakarak partispa iha hodi harame jogu ne’e” dehan Komisaun organizadora Taça FALINTIL, Francisco Lopes
Nia explika, Totál klubu ne’ebé mak partispa mai hosi klubu Futsal Profesional ne’ebé mak antes ne’e Partisipa iha Pra Liga Futsal hamutuk 10 no mós klubu foun sira ho instituisaun sira.
Totál klubu ne’ebé mak sei kompete iha eventu refere hamautuk 32 mak hanesan Nomad FC, Muacau FC, C. Terrestre-Baucau, Tharacerun FC, São Francisco FC, Ua-Kesa FC, DCP-TL, IOB FC, Jocris FC, B’tal FC, MACLN FC, Ramelau FC, Ramelau legend, Babaken FC, FC J-ORST, Mauputar FC, MOP FC, Lafaek FC, BAS FC, Quarter General, AS Jerman FC, Saralima FC, AD Samoro FC, QB-Central FC, Coelho FC, JLR Lereloho FC, BTR One FC, Boa Sorte FC, Andeco FC, FC Mota Bandeira, Malkamer FC no AD Estrela Baquia FC.
Tuir planu jogu ne’e sei hahu iha semana oin.
CharllY Junior
