DILI– Klubu Voleibol hamutuk 13 kompostu hosi Mane 11 no feto hamautuk 9 sei harame kompetisaun Mudansa Cup ba dahuluk ne’ebé mak organiza hosi Movimentu Juventude Mudansa.
Eventu ne’e realiza ho objetivu atu komemora loron konsulta populár ba dala 23 ne’ebé mak monu iha loron 30 fulan agostu liu ba ne’e.
“Objetivu prinsipál hosi jogu ne’e iha ambitu atu selebra loron 30 agustu ne’ebé mezmu liu ona komisaun organizadora foti inisiativa ida atu selebra ” informa Kordenador komisaun organizadora Silviano Jerónimo Viera ba Jornalista iha GMT Dili, segunda (26/09).
Nia informa, Objetivu seluk hosi eventu ne’e mak durante tinan 2 la iha atividade Voleibol núne’e komisaun organizadora servisu hamutuk ho FVTL hodi organiza eventu refere núne’e foin sa’e sira bele promove sira nia talentu liu hosi Modalidade Voleibol.
Klubu hamautuk 13 mak partisipa iha eventu ida ne’e feto iha 9 Mane iha 11 klubu sira ne’e mai hosi primeira divizaun no segunda divizaun no mós klubu foun balu inklui instituisaun balu ‘.
Núne’e mós Prezidente Movimentu Juventude Mudansa Leonardo Benigno Tilman, afirma, organizasaun movimentu Joventude Hadomi iha mehi ida hakarak apoiu foin sa’e sira ne’ebé mak hakarak halo mudansa iha kualker atividade.
Nia dehan, atividade ne’e ba dahuluk no sira iha palnu sei kontinua Realiza atividade refere iha futuru núne’e bele dezenvolve talentu foin sa’e sira.
“Ida ne’e primeiru vez ami halo Tinan tinan ne’e turnamentu ida ne’ebé mak ami halo kordensaun ho ita nia Federsaun Voleibol Timor Leste ne’ebé ne’e hanesan turnamentu pramusim tanba sira iha turnamentu Primeira Divizaun no segunda divizaun tanba ne’e antes ba iha ne’ebá ami halo uluk ida ne’e kada tinan” informa Leonardo.
Nia dehan, premiu ba Kampeaun Primeiru Lugar sei hetan osan ho montante $400 dólar, no segundu lugar sei hetan premiu osan ho montante 300
No ikus liu terseiru lugar sei hetan premiu osan ho montante 200 dólar Amerikanu inklui tasa permanente ida ho Taca Rotativa ba Kampeaun Primeiru Lugar
Eventu refere abertura ona iha loron 24 fulan Setembru no tuir planu sei termina iha loron 10 fulan Outubru tinan ne’e.
CharllY Junior
