DILI–Januario Da Silva Brito, eleitu nuudar prezidente Federasaun Boxe Amadora Timor Leste (FBATL) ba periodu 2023-2027
Januario Da Silva Brito, eleitu sai prezidente FBATL hafoin sa’i pakote uniku iha kongresu anual ne’ebe mak realiza iha edifisiu komite Olimpicu Nasional Timor Leste (CONTL) Sexta (13/01).
Sekretariu Estadu Joventude no Despotu (SEJD) Ne’ebe reprezenta hosi diretora alta no kompetisaun, Maria Luiza Monteiro, hatete, rezultadu hosi kongresu ne’e bele dezenvolve modalidade Boxe Iha futuru.
“Ohin loron partisipa kongresu Boxe Amadora nian ne’ebe sira atu hili sira nia estrutura federasaun boxing ne’e haree katak hosi kongresu ne’e bele hetan ona ema ne’ebe mak diak no kualidade oinsa atu dezenvolve ne’e ba iha futuru tanba boxing mos modalidade ida ne’ebe mak iha vontade diak iha mos prestasaun” dehan nia ba jornalista hafoin partisipa kongresu FBATL ba dala-V iha edifisiu CONTL.
Diretora ne’e afirma katak hosi rezultadu Kongresu ne’e estrutura foun bele hadia diak liu tan no bele hanorin Timor Leste nia naran liu hosi eventu rejional no internasional sira.
Iha Fatin Hanesan Prezidente Eleitu Januario Da Silva Brito, konfirma, nu’udar Prezidente eleitu sei kontinua ho obra estrutura anterior ne’ebe mak iha hodi melora fiak liu tan liu hosi treinador internasional hodi servisu hamutuk ho treinador Timoroan sira.
“Hau hanesan prezidente eleitu ha’u sei kontinua nafatin fo ha’u nia servisu boot buat Sira ne’ebe iha ona ne’e para bele melora diak liu” Dehan prezidente eleitu Januario Da Silva Brito
Iha kongresu ne’e avansa ho pakote ida Januario Da Silva Brito nu’udar prezidente, Joao Jose Fernandes nuudar Primeru vise, no Rogerio Amaral Soares nu’udar Sekretariu jeral.
Entertantu Partisipa iha Kongresu Anual Federasaun Boxe Amadora Timor Leste Ba Dala-V ne’e mak hanesan Sekretariu Estadu Joventude no Despotu reprezenta hosi Diretora Alta no kompetisaun Maria Luiza Monteiro, prezidente CDTL Macario Sanches/ no prezidente hosi asosiasaun Boxe 10 inklui Klubu Boxe hamutuk 23.
Dvo
