DILI– Boxista nasional Delio Anzaqeci Mouzinho susesu hakat ba meias finais jogu Sea Games edisaun 32 Kambodia hafoin manan nia adversariu Mohammad Khidir Bin Sanif, ho TKO (Technical Knock Out).
Delio halakon nia adversariu nee ho TKO (Technical Knock Out) iha deit priemeira ronda hafoin Delio tuku Straight dala rua tuir malu hodi halo Boxista hosi nasaun Singapore ne’e nakdoko no arbitu sura ikus mai atleta refere labele ona hodi kontinua nune’e Delio mak sa’i hanesan manan nain iha jogu ne’e.
“Ita nia boxista delio ohin manan ho TKO, Iha ronde primeiru, ha’u labele komentariu barak liu, maibe ha’u hakarak hateten katak nia tama ona semi final” dehan Treinador Selsaun nasional Boxe Abilio Orlando ba JHD via WhatsApp Sabadu (06/05/2023).
Tuir orariu atleta Delio Mouzinho sei joga meias finais iha loron 12 fulan maiu ne’e hasoru atleta hosi Vietnam.
“Konaba Delio ha’u fiar ita sei manan iha semi final” dehan Treinador Abilio ho fiar aan.
Iha Sea games Kambodia 2023 ne’e Delio Anzaqeci Mouzinho kompete iha klase 71 kg.
Entertantu antes ne’e iha jogu Sea Games edisaun 31 iha Kambodia Boxista Delio Anzaqeci Mouzinho susesu sa’i segundu lugar hodi oferese medaila osan mutin mai Timor Leste.
JHD
