DILI — Modalidade Boxe susesu rekoila medalla osan metan rua iha jogu sudeste aziatiku (Sea Games) ba edisaun 32 iha Kambodia 2023. Medalla osan metan rua ne’e konkista hosi Boxista Delio Anzaqeci Mouzinho ho Edgar Foe Quintas.
Ba JHD via WhatsApp Segunda (15/05/2023) treinador selesaun nasional Boxe Abilio Orlando, espresa sentimentu kontente tanba Boxista Delio Anzaqeci Mouzinho ho Edgar Foe Quintas bele hamorin Timor Leste nia naran liu hosi oferese medalla.
“Diak obrigadu Primeiru hau orgullu no kontente ba boxista nain rua” tenik nia.
Treinador ne’e Explika, Edegar Foe Quintas joga manan Myanmar, depois kontra Boxista Filipina iha semi final maibe lakon, Boxista Filipina ne’e juara 2 olimpiade iha Tokyo, makse nune’e Edegar foe hatudu performe ne’ebe diak, no nia derota ho dignu.
Laos deit Modalidade Boxe mak konkista Medalla iha Sea games Kambodia Maibe Taikondow mos konkista Medalla osan metan haat no modalidade karate-do mos konkista medaila osan metan rua ho nune’e iha tabela klasifikasaun provizoriu dadaun ne’e Timor Leste konkista ona medalla hamutuk ualu
JHD
