DILI– Torneo BNCTL Cup 2023, faze eliminasaun 16 finais, ekipa femenina United Nations Agency “halakon” nia ekipa adversaiu Ministeru Asuntu Kombatentes Libertasaun Nasional (MACLN sigla portugues) ho score 3-0.
Jogu entre ekipa rua ne’e hala’o iha kampu multifunsaun Bebora, Dili, Kinta (29/06). Iha inisiu jogu ekipa rua ne’e hotu-hotu hatudu jogu ne’ebe furak iha kampu hodi anima adeptus hotu ne’ebe mak asiste direta jogu jogu refere.
Maibe tama ba iha minutu 2 sorteu diak monu ba ekipa UN Woman hodi produs golu liu hosi jogador Franelina Cabral hodi muda score sa’i 1-0.
Ho golu ne’e halo ekipa MACLN komesa lakon bola no halo ekipa UN Woman domina liu tan jogu no tama ba iha minutu 9 defeza hosi ekipa MACLN halo auto golu ho nune’e ekipa UN Agency lidera ho score 2-0.
Score refere halo ekipa UN Agency domina liu tan jogu no tama ba iha minutu 11 ekipa UN Agency haboot liu tan score ba 3-0 liu hosi jogador Sonia da Cruz.
Ho Score refere halo jogu sa’i manas liu tan ba ekipa rua ne’e maibe to’o termina jogu primeira parte score 3-0 mantein la muda.
Tama ba segundu parte ekipa MACLN komesa hatudu ritmu jogu ho diak hodi lansa presaun makas ba ekipa UN maibe defeza hosi ekipa UN Agency la fo fatin ba MACLN atu produs golu nune’e to’o termina jogu segunda parte vitoria ba UN Agency ho score 3-0.
Hosi rezultadu vitoria ne’e lori ekipa UN Agency hakat ba 8 finais BNCTL Cup 2023. No ekipa MACLN obrigado tenke elimina hosi jogu refere.
Entertantu jogu BNCTL cup 2023 nee organiza hosi Joventude Hadomi Despotu (JHD) ho objetivu atu selebra aniversariu Banku Nasional Timor Leste (BNCTL) ba dala XII.
JHD
