Maliana– Ministeru Joventude Despotu Arte no Kultura (MJDAK) Nelyo Isac Sarmento hatete, festival Fronteira 2023 fo oportunidade ba Timoroan sira liu-liu joven sira iha Maliana atu kunese diak liu tan relasaun Timor Leste ho Nusa Tenggara Timur Indonesia.
“Festival ida ne’e oportunidade ba joven sira iha Maliana kunese diak liu tan relasaun Timor-Leste ho NTT atu nune’e aban bainrua sai jerasaun respeitu no hadomi malu hakribi violensia bele iha diferensia hanoin,maibe diak liu kadi ho kakutak duke uza fiziku “kekerasan” tanba tempu agora ida ne’e la iha fatin ba fatin hotu-hotu, Timoroan hatudu domin ho fuan ba mundu” dehan Ministru Nelyo Isac Sarmento liu hosi nia diskursu iha abertura Festival Fronteira 2023 iha Kampu Futebol Maliana Kuartu (15/11).
Tuir Ministru ho festival Fronteira ne’e, Maliana oan sira sei hatene istoria lolos husi matenek nain husi Timor-Leste ho NTT troka hanoin kona ba orijinalidade kultura ida ne’ebé hametin Timoroan iha rai ida ne’e.
Tanba ne’e Ministeru dehan, programa ida ne’e importante atu hametin ligasaun entre ita husi nasaun RDTL ho Indonesia liuliu bá sira hela iha fronteira, bainhira ko’alia bá hametin relasaun konsiente katak rai ida ne’e iha nia tradisaun kultura rasik, Timor-Leste ho NTT iha multikultural, maibé diferente tanba tradisaun uniku nu’udar umanu sempre tane as ema duke buat sira seluk.
Govenate ne’e mos parabeniza prezidente autotidade no enkoraja povu Bobonaro atu sa’i uma nain Diak iha festival ne’e hodi sa’i ezemplu ba munispiu sira seluk.
“Ohin kalan abertura Festival Fronteira 2023 Ha’u fó parabens ba prezidente autoridade no povu Bobonaro sai uma diak iha festival ida ne’e hodi hatudu ezemplu ba munisipiu sira seluk no hau lori governu nia naran hakarak agradese ba autoridade munisipiu Bobonaro hakas an atu koopera di’ak hodi realiza festival ida ne’e durante loron haat” dehan Ministru.
“Ba povu Maliana sai uma nain ba Festival Fronteira 2023 nu’udar interkambiu kulturál ba hametin rekonsiliasaun, festival ida ne’e Maliana oan sira hatudu Timoroan tomak katak nu’udar umanu sempre respeita malu hodi paz no dame hodi simu maun alin sira husi NTT atu hamutuk nu’udar familia ida deit“nia sublina
Entretantu partisipa iha abertura Festival Fronteira 2023 ne’e mak delegasaun husi Belu, Kupang, Kefa, Malaka purvolta 300 komunidade munisipiu Bobonaro, membru governu sira, autoridade munisipiu Bobonaro no hetan seguransa masimu husi parte PNTL.
JHD
