DILI–Iha tinan 2024 Governu liu hosi Ministeru Joventude Despotu Arte no Kultura (MJDAK) sei tau Prioridade ba modalidade 8 ne’ebe mak durante ne’e hatudu ona prestasaun diak iha jogus internasionais sira.
“Tinan oin ita iha pakote orsamentu ne’ebe mak kiik entaun ita deside deit modalidade preoritariu sira, modalidade preoritariu sira mak Futebol, Voleibol, Basketball, Taekwondo, Karate-do, Boxing, Cicilismu, i mos Voleibol Praya sira ne’e mak ita deside ona katak modalidade prioritariu Sira ne’ebe mak durante ne’e hetan prestasaun ka hetan sira nia rezultadu iha jogus internasionais” dehan Diretur Nasional Desportu MJDAK Cesarino da Silva ba jornalista sira iha edifisiu MJDAK lecidere Dili Kuarta (22/11/2023).
Nia Afirma, Ministeru sei fokus liu-liu ba modalidade hirak ne’e atu apoiu sira nia Kampeonatu Nasional.
Nia informa, durante tinan 2023 planu apoiu MJDAK nian ba federasaun sira hodi realiza Kampeonatu Nasional kuaze sira halo hotu no balu sei iha prosesu mak Atletismu, maibe hanesan Taekwondo Karate-do Boxing Cicilismu ne’e sira hala’o ona Kampeonatu Nasional no MJDAK hein deit sira nia relatoriu.
Nia dehan, iha tinan ne’e MJDAK hetan orsamentu reatifikativu rsamentu balu Ministeru deside tau iha perparasaun atleta nasional sira atu kompete iha Asian Games iha fulan kotuk ho nune’e Federasaun balu la konsge realiza Kampeonatu Nasional.
Federasaun Sira ne’ebe mak la konsege realiza Kampeonatu Nasional mak hanesan Badminton no modalidade Foti Besi.
JHD
