DILI– Atleta Taekwondo hamutuk nain 20 hosi kabupaten Belu no Kupang Nusa Tenggara Timur (NTT) harame eventu 2And Anniversary Dragon Lotaria Taekwondo internasional championship iha Timor Leste.
Asuntu ne’e hato’o hosi prezidente komisaun organizadora ba eventu eventu 2And Anniversary Dragon Lotaria Taekwondo internasional championship Mateus Soares ba jornalista sira iha Ginazio Despotu de Dili Sexta (01/12/2023).
“Iha ne’e iha ekipa rua hosi Indonesia ekipa ida hosi Atambua Belu, no ekipa ida hosi Kupang sira atleta hamutuk 20 resin partisipa iha eventu ohin ne’e” dehan Mateus.
Nai informa, Dojan, klubu no asosiasaun iha Timor hamutuk 26 klubu asosiasaun hosi NTT rua hamutuk 28 klubu mak partisipa iha no atleta ne’ebe partisipa total hamutuk 680 ne’ebe ke partisipa iha eventu loron 3 ne’e
“Eventu ohin loron ne’e ha’u espera katak bele hamosu atleta foun hodi reprezenta Timor Leste iha futuru ami iha inisiarivu oinsa atu koalia kompainha sira ne’e hanesan agora dadaun kompainha grand dragon nia anniversary entaun ami koalia ho sira para bele halo Eventu” Nia afirma.
No konsege hetan rezultadu ne’ebe pozitivu hosi kompainha dragon ne’ebe sira mos iha hanoin diak hakarak ajuda apoiu Despotu iha Timor ho ida ne’e mak sira fo apoiu eventu ne’e objetivu oinsa hamosu atleta ne’ebe foun para bele kontinuasaun atleta senior sira ne’ebe iha prestasaun diak atu nune’e labele lakon Timor Leste iha Sea games no Asian games.
Eventu refere hetan apoiu fundus hosi kompainha grand dragon Lotaria ho total 9.500 dollar Amerikanu tanba ne’e ba anniversary sira nia kompainha ba daruak nian iha Timor Leste.
Premiu ne’ebe mak Komisaun Organizadora perpara mak ba manan nain individu sira sei hetan serfikadu, medalla, no mellor atleta mak Taxa iha Osan no mos sertifikadu. No ba Mellor ekipa hosi priemeiru to’o terseru lugar sei hetan osan, Taxa no sertifikadu.
Tuir planu eventu refere sei hala’o durante loron tolu hahu hosi loron 1-3 fulan dezembru tinan ne’e.
JHD
