Dili– Vise Prezidente Komite Olimpiku Nasionál Timor-Leste (CONTL), Mateus da Cruz, informa, prezidente CONTL Francisco Kalbuadi Lay, la partisipa iha Asembleia jerál Anual CONTL nian tanba hetan vizita Trabalho estadu nian bá estranjeiru.
“Asembleia jerál tinan ne’e ita muda dala tolu ona, tanba hare bá prezidenti CONTL Francisco Kalbuady Lay, nia kalendariu tanba ne’e mak ohin ita muda mai Domingu ohin, maibé prezidenti hetan vezita Traballu estadu nian bá rai li’ur ne’ebé mak ohin nia la partesipa” informa vise prezidente CONTL Mateus da Cruz ba jornalista sira iha JL Vila Fatuhada Dili Domingu (18/12).
Maske nune’e, nia, argumenta katak estatutu CONTL fó dalan bá Vise no Sekretáriu Jerál bele realiza atividade sira ne’e. Tanba Asembleia Anual refere atu halo relatoriu, planu finanseru bá atividade tinan oin.
“Kona-ba programa ohin ita aprezenta laiha Federaasaun ida mak vota kontra tanba regular bá Federaasaun sira iha, i ne’ebé esko iha ne’e nain 7 tanba fulan rua ita sempre update informasaun kona-ba orsamentu CONTL nian bá Federaasaun sira“Mateus esplika.
Mateus haktuir, Asembleia ida ne’e Federaasaun internasionál mak husu kada tinan-tinan tenki halo hodi hato’o relatoriu ba, no adutorio bá finansa.
Iha sorin seluk, reprezentante Federasaun Tenis do Kampu Frederico Soares Sarmentu, apresia ho CONTL ne’ebe mak sempre tulun sira nia Federasaun ho programa ne’ebe diak.
“kona-ba asembleia jerál CONTL nian ha’u apresia tebes Tanba sira halo ona buat barak mai ami Federaasaun Tenis do kampu hodi bá Partesipa iha Asian Games tinan ne’e”
“Ami nia observasaun bá asembleia jerál ohin nian,ami hare sira halo planu bá tinan oin nian i ami mós tomak nota hela hodi ba oin bele serbisu hamutuk ho Federaasaun Tenis do kampu“
Entertantu,Partesipa iha iha asembleia jerál tinan ida ne’e,mai husi Federaasaun Taikwondo,Karate, Atletismu, Vollybol,tenis do kampu,Badminto,HokyTiru,Natasaun no seluk tan.
JHD
