DILI–Klubu primeira divizaun Liga Futebol Timor-Leste (LFTL) AD SLB Partisipa iha jogu Timor Cup 2023 iha Australia ho Jogador nain 19.
Asuntu ne’e hato’o hosi Sekretariu jeral Klubu AD SLB Domingos Caero ba JHD iha nia rezidensia Aimutin Dili, Kinta (28/12/2023).
Domingos informa, Jogu Timor Cup ne’e hahu tinan hira liu ba depois Timor-Leste nia restaurasaun independensia 20 de Maio 2002, maibe depois liu tia tinan 2 ka 3 paradu tia.
No tinan ne’e mak hahu fali, Timor Cup ne’e bele konsidera jogu amigavel ida entre Timor oan sira, maibe tinan ne’e komisaun organizador konvida mos ekipa husi Kontinente balun hanesan Africa, Asia no seluk tan.
“Timor-Leste rasik lolos ne’e iha klubu 4 mak hetan konvite hanesan Assalam Fc, Karketu Fc, Ponta Leste, no SLB rasik, maibe felizmente klubu 3 labele partisipa so SLB deit mak partisipa” informa Caero.
“Haree ba jogu ne’e ho karakter amigavel ne’e duni ami la lori jogador barak, iha deit jogador nain 19, treinador 2, masajeiro 1, lojistiku 1, ofisial 2 no xefe delegasaun 1” Caero hatutan.
Nia haktuir, Jogador hirak Ne’ebe partisipa iha jogu ne’e sira foti deit sira ne’ebe SLB prepara ba liga tinan oin karik iha! Jogador estrangeiro 2 mak guarda rede Andrew no defeza Bakayoka Ozi.
Nia dehan, konvite ba klubu sira iha Timor-Leste ne’e iha fulan Abril ka Maio. Tan ne sira hahu ona konsentra jogador sira hahu treino iha fulan Agosto, maibe laos rutina tan hein hela konfirmasaun fixu husi komisaun organizadora Timor Cup.
Tuir orariu SLB sei hahu jogu iha loron sexta feira aban (29/12) kontra ADT-UK kampo GSG Greenvale Soccer Ground
JHD
