DILI –Kongresu Federasaun Futebol Timor-Leste (FFTL) bá dala IX ne’ebe mak hala’o Ótel Timor Dili Kuarta (10/01/3024) ne’e falla total no tenke adia kongresu tanba komite eleitoral la konsisten hodi foti desizaun.
Kongresu ne’ebe mak Hahú hosi tuku 10:00 daderas OTL, ne’ebe mak akompainha hosi reprezentate AFF, AFC, no FIFA ne’e delegadus hosi asosiasaun futebol Munispiu 14 no asosiasoens profisionais 7 sira halo diskusaun namanas hodi hamosu dezentendementu ba konaba diretu de votu iha kongresu refere.
Tanba iha kongresu refere iha asosiasaun futebol balu vise prezidente no Sekretariu jeral mak iha diretu de votu no prezidente asosiasaun la iha diretu de votu ho nune’e asosiasaun balu halo protestu atu prezidente asosiasaun sira mak mak iha diretu de votu tuir statutu FFTL artigu 26 maibe iha asosiasaun seluk mantein ho desizaun ne’ebe mak komite ezekutivu liu hosi komite eleitoral FFTL atribui ba asosiasaun sira tuir razaun ne’ebe mak Sira Iha.
Dezentendementu ne’e kontinua la iha solusaun to’o iha tuku 13:30 lorokraik OTL, ikus mai prezidente interinu FFTL Falur Rate Laek hamutuk Komite ezekutivu, komite eleitoral no reprezentante FIFA, AFC no AFF kuaze minutu balu hodi foti desizaun.
Maibe depois de kontinua asosiasaun sira ida-idak mantein ho razaun ne’ebe sira iha ikus mai prezidente interinu FFTL Falur Rate Laek fo opsaun ba asosiasaun sira ne’ebe iha disputa ba diretu de votu atu halo konsulta bá malu atu hetan solusaun.
Asosiasaun sira ne’ebe mak disputa diretu votu Mak hanesan asosiasaun Futeból Viqueque, Ainaro no Arbitrajen no ikus mai 3 deside sei la vota tanba la iha konsensu.
Maibe ikus mai komité Eleitorál FFTL hamosu hikas dezentendimentu hodi muda sira-nia desizaun no halo desizaun hodi afavór bá rekursu ne’ebé komité rekursu iha hodi atribui direitu de votu ba Fila fali Prezidente asosiasaun Arbitrajen, Viqueque no Ainaro.
Ho desizaun refere halo asosiasaun sira konfuzaun no hahu barullu no kandidatu Nilton Gusmao mos desde hodi rejigna aan no ikus mai asosiasaun sira hakilar malu ho lian makas hodi hasai liafuan “Mafia Futebol”
Nilton hatete, desde hahu hosi dadersan diskusoens manas teb-tebes hatudu dinamiku ida diak.
“Maibe ha’u lakohi mosu dezentendementu entre Ita, Ita koalia Familia Futebol maibe ita bosok ten”
“Kongresu ida Ne’e kredibilidade la iha ona ohin hanesan ne’e orsida hanesan ne’eba ba haan tiha mai fali oin seluk entaun hanesan kandidatu ha’u lakohi konkore iha eleisoens ida ne’ebe la iha kredibilidade tanba ne’e mak ha’u rejigna aan” Nia dehan Nilton hodi rejigna aan.
Ho rezignasaun kandidatu Nilton Gusmao nian ne’e hamosu reasaun makas ikus mai asosiasaun sira hakilar malu ho liafuan “Mafia” iha kongresu.
“Dala ida tan ha’u husu deskulpa ba prezidente interinu no mos reprezentante AFF, AFC no FIFA i ba assosiasaun muninisipais no assosiasaun profisionais ha’u atu dehan deit tanba paisaun ba Futebol ha’u lakohi buat ida naksobu iha federasaun Futebol ha’u prefere la avansa para atu Futebol ne’e ita salva” eis prezidente LFTL ne’e informa.
“Mais se mak iha interese hakarak halo buat ruma iha futebol fazfavor mais ha’u retira retira ona” Nia hatete.
“Se mak apoiu ha’u hatudu imi nia disiplina hatudu imi nia maturidade, ha’u ho objetivu ida hakarak lori buat diak ruma ba ita nia futebol”
“Mais iha tentasaun seluk hodi halo manobra tun manobra sae atu impede laha buat ida publiku mak sei julga dalan iha organizasaun laos foun ne’ebe ha’u mantein ho ha’u nia desizaun i husu deskulpa ba asosiasaun sira ne’ebe fo imi nia konfiansa ba ha’u maibe ha’u sei la ba tanba ha’u labele servisu iha ambiente ida hanesan ne’e ha’u mai porqur ha’u hakarak hadia maibe se dalan hanesan ne’e diak liu ha’u ses para salva ita nia futebol”
Tuir observasaun jhdtimor.com iha fatin kongresu FFTL ne’e nota katak kongresu ne’ebe mak hetan partisipasaun masimu hosi reprezentante FIFA, AFC no AFF ne’e maioria amantes Futeból no amantes futsal sira la satisfaz no sente triste tanba kongresu estraordináriu FFTL ne’ebe atu hili Prezidente FFTL foun bá Períodu 2024-2026 kansela.
JHD
