DILI– Ekipa tékniku ba kongresu Asosiasaun arbitrajen Timor Leste (AAF-TL) Joviano Salves Reis, informa , aban (loron 20 fulan Janeiro tinan 2024) AAF-TL sei realiza Kongresu oridinariu hodi hili prezidente foun ba AAF-TL ba periode 2024-2028.
Joviano haktuir, AATL realiza Kongresu oridinariu ne’e laos deit tanba mosu disputa diretu de votu iha kongresu FFTL maibe tanba mandatu estrutura AATL mak termina duni ona.
Nia dehan, Asosiasaun arbitrajen nu’udar asosiasaun ida husi asosiasaun 3 seluk ne’ebé kauza ba in-susesu kongresu estra-ordináriu FFTL. Nu’udar mos membru arbitru, preokupa tebes ho Asosiasaun nia situasaun.
“Hahun ba ba in-susesu ne’e Prezidente Interinu liu husi nia entre-vista iha mídia sira atu asosiasaun sira nebe iha problema internu tenke hadia internalmente, Ba Asosiasaun arbitrajen, Nia halo ona aprovasaun ba pedidu husi Sekretariu Jeral Asosiasaun Arbitrajen hodi halo kongresu nune’e bele eleje hikas mandatu ba estrutura foun tanba mandatu estrutura agora ne’e termina ona iha Fulan Marsu tinan 2023” informa Joviano Salves Reis, ba JHD sexta (19/01).
Nia explika, Tanba ne’e mak kongresu arbitrajen agora ne’e allende iha ligasaun ho kongresu estra-ordináriu FFTL mos tanba memang mandatu mos termina ona, ho nune’e mak perninente duni atu konvoka asembleia nune’e eatrutura ba mandatu tinan 2024-2028 bele iha lejitimidade.
“Kongresu ne’e hanaran Kongresu Ordinariu tanba estrutura atual nia mandatu memang termina ona iha fulan Marsu 2023 liu ba” dehan Nia.
Nia afirma konba pakote hira mak atu kompete ne’e delegadu sira husi munispiu mak sei determina.
“Aprezentasaun pakote ne’e ita husik ba delegadu sira husi munisipiu mak sei aprezenta iha loron kongresu” afirma nia.
“Karta konvite sai hotu ona no aban sei realiza Kongresu” Nia hatutan.
Hahun ba Rejimentu Internu, delegadu sira fahe ba komponente sira hanesan, Koordenador arbitrajen futebol munisipal, Arbitrajen Futsal, Arbitu FIFA nível AFF, Instrutór Futeból, Instrutór Futsal. Hirak ne’e mak iha direitu ba Votu hodi hili estrutura ka bele aprova dokumentu importante durante lalaok kongresu.
JHD
