DILI — Boxista legendariu hosi nasaun Filipina Manny Pacquiao, iha prontidaun atu mai fahe esperensia ba boxista Timoroan sira iha Timor Leste.
Eis vensedor Boxing mundial ne’e iha intensaun hakarak ajuda Timor Leste liu hosi harii Pacquaio Boxing Camp atu ajuda boxista Timoroan sira tanba modalidade refere potensial tebes ba atleta sira iha Timor-Leste hetan prestasaun.
“Hau iha ligasaun diak tebes ho Manny Pacquião ne’e ha’u hakarak uza kampiaun nasional boxing nian iha Timor-Leste hodi halo komunikasaun ba boxista legendariu para mai iha Timor-Leste hodi motiva ita nia boxista sira no nia hakarak tebes atu mai nune’e nia hein karta ofisial husi hau tanba nia mos intensaun hakarak hari’i Pacquião boxing Camp iha Timor-Leste hodi ajuda ita nia atleta boxing sira no dezenvolve modalidade boxing iha rai ne’e tanba hanesan modalidade potensial tebes ba atleta sira iha Timor-Leste hetan prestasaun” dehan Ministru Joventude Despotu Arte no Kultura (MJDAK), Nelio Isac Sarmento ba Jornalista sira iha Salaun Infordepe balide, Sabadu (22/07).
Vizita Manny Pacquiao nian ne’e MJDAK, sei koordena ho CDTL no Federasaun boxing iha Timor-Leste atu organiza Manny Pacquião mai hodi bele aproveita nia vizita hodi hetan kooperasaun balun ba dezenvolve boxing iha Timor-Leste no bele sehere nia esperensia hosi nia ema ida laiha buat ida to’o agora terkenal iha ema kongresman ida tan iha Filipina.
Iha fatin hanesan, Sekretariu Jeral Federasaun Boxe Amadora Timor Leste, Rogerio Amaral sente orgullu ho novidades konaba Boxista Legendariu atu vizita Timor Leste.
“Hau hanoin sentimentu ida neebe mak exelente tebes, tanba Manny Pacquiao, figura neebe mak legendariu laos Asia deit maibe iha mundu“dehan nia.
JHD
