DILI- Prezidente Federasaun Vollybol Timor-Leste (FVTL), Inocensio Araujo da Silva informa, tempu badak sei fo formasaun arbitrazen ba formandu husi Munisípiu 6.
Iha esforsu ba dezenvolve no haburas modalidade vollybol iha Timor – Leste, maka FVTL sei desloka ba kada Munisipiu hodi fasilita formasaun Arbitrajen.
“FVTL sei fo formasaun ba Munisípiu 6 posibilidade sei hahu semana oin“, hateten nia ba JHD via WhatsApp, Tersa (13/09/2022).
Prezidente FVTL afirma, daudaun ne’e Federasaun identifika ona mak Munisípiu Covalima, Ainaro, Atauro, Baukau, Bobonaru no Rejiaun Administrativu Espesial Oe-cusse Ambenu (RAEOA).
Benefisiariu ba formasaun ne’e hamutuk Ema nain-180, kompostu husi Ema nain-30 kada munsipiu
“Kada Munisípiu ema na’in 30 mak sei partisipa iha formasaun refere durante loron 30, kada Munisípiu durasaun loron 5“, Nia esplika.
Nune’e, iha posibilidade semana oin ekipa FVTL sei desloka ba kada Munisipiu Mak identifikasi.
Entretantu atividade refere hetan apoiu husu Governu liuhusi Sekretáriu Estadu Juventude no Desportu SEJD ho montante dollar Amerikanu 50 Mill.
Caet
