Díli – hafoin simu karta husi resultadu enkontru entre FFTL no LFTL iha horseik (12/09), SEJD sei bolu FFTL hodi haree detalla difikuldade ne’ebé sira enfrenta.
bazeia ba realizasaun Liga Futebol Timor Leste ne’ebé to’o agora seidauk lao, FFTL ho LFTL haruka karta ba Governu liu husi SEJD atu bele hamutuk buka solusaun ba difikuldade orsamental ne’ebé sira hasoru.
Hatan ba ida ne’e, SEJD sei konvoka enkontru ho FFTL atu bele hamutuk difikuldade hirak ne’e, no oinsa posibilidade ne’ebé Governu iha hodi bele sai husi difikuldade hirak ne’e.
“Aban ami sei hare’e detallu tanba saida mosu difikuldade no mai husi ne’ebe ho posibilidade ne’ebe governu iha hodi buka solusaun, halo netik atividade ruma liuliu ba realizasaun liga futebol epoka ne’e“, SEJD Abrão Saldanha ba jornalista sira iha nia knaar fatin Lecidere, Díli tersa (13/09).
Governante informa katak, orsamentu 200,000 USD ne’e fiksu SEJD apoiu ba liga iha tinan 2022-2023 ne’ebe aban sira sei haree hamutuk ba difikuldade sira ne’ebe enfrenta tanba orsamentu aprova ona mak ida ne’e, agora tama fulan klaran ona orsamentu foun la iha ne’ebe aban sira sei hare’e hamutuk posibilidade saida mak governu bele halo tan para ajuda sai husi difikuldade ne’e.
To’o ohin loron, Orsamentu hamutuk 400 mil USD, 200 mil husi SEJD no 200 mil husi FFTL, maibe,tan liga futebol Timor-Leste epoka ne’e ho sistema full kompetisaun maka parte orgaun LFTL konsidera seidauk sufisiente, nune’e presiza tan orsamentu ho montante 295,000 USD.
ADS