DILI– Klubu Basketball hamutuk 14 kompostu hosi klubu Mane 8 no feto hamutuk 6 harame torneo Basketball Dom Bosco Cup 2023.
Iha fulan janeiru tinan 2023 familia salesiana sei selebera festa Sao Joao Bosco, aman no mestre ba foin sae sira nian ba dala 135 ho tema “Fratenidade umana Nu’udar Fermentu ba ba Hametin Paz iha sosiedade”
Atu komemora festa refere asosiasaun antigus alunus Dom Bosco Dili, realiza torneo Basketball Dom Bosco Cup tinan 2023, ne’ebe mak ofisialmente abertura ona iha loron 17 fulan janeiru ne’e no tuir planu sei finaliza torneo refere iha loron 29 fulan janeiru tinan ne’e.
“Jogu basketball ne’e ami hosi asosiasaun antigus alunus Dom Bosco Dili kria ne’e hodi perparasaun ba festa Dom Bosco ne’ebe mak atu mai iha loron 31 janeiru” Informa prezidente Komisaun Organizadora Natalino Belo ba jornalista iha Gym Dom Bosco Comoro Dili, Sabadu, (21/01).
“Iha ne’e iha ekipa mane ualu (8) no ekipa feto iha neen (6) ami halo kompetisaun ne’e Primeru joga hasoru malu hotu depois best four ne’e mos hasoru malu hotu depois iha best four ne’e see Mak manan barak liu nia mak kampieonatu” explika prezidente Komisaun Organizadora ne’e.
Klubu hirak ne’e mak hanesan, One Shoot, Ponta Leste, Aileba A, Cafasos, SDB, Benifika, MBC no Big Hostile. no seluk tan.
Nia dehan, fundus ba kompetisaun refere mai hosi kontribuisaun hosi antigus alunus Dom Bosco sira no eventu ne’e rasik asosiasaun antigus alunus Dom Bosco Dili realiza ona ba dala tolu.
Rejistrasaun ba klubu sira rasik kada klubu mai rejistu ho osan 25 dolar
Nia explika, Torneo Dom Bosco Cup sei iha mos premiu ba manan nain sira maibe ba Primeru no segundu lugar sira Komisaun Organizadora ne’e seidauk bele fo sa’i
DVO
