Dili – Atleta hosi Modalidade Atletizmu, Felisberto de Deus, konkista tan medaila osan mutin ida iha Asian University Games (AUG) liu hosi korida metro 5000.
Timor-Leste susesu konkista ona medaila rua iha eventu Asian University Games (AUG) ba dala-20 ne’ebé mak hala’o iha Ubon Ratchathani, Tailandia tinan ne’e.
Medaila rua ne’e kompostu hosi osan mutin ida no Osan metan ida, medaila rua ne’e oferese hosi atleta Felisberto de Deus, hosi Modalidade Atletizmu.
Antes ne’e Iha loron 28 fulan Jullu tinan ne’e Atleta orijen hosi Ermera ne’e susesu konkista uluk medaila osan metan ida tanba susesu sai terseiru lugar iha korida metro 10.000.
No ohin kinta (30/07/2022), Felisberto de Deus konkista tan Medaila osan mutin ida, hafoin sai segundu lugar iha korida metro 5000 ne’ebé mak realiza iha stadion Thai, Ubonratchathani, Tailandia.
Enkuantu AUG tinan ne’e Timor-Leste Partisipa ho Modalidade 4 ho nia Atleta 13, kompostu hosi Xadres na’in 4, Atletismu na’in 2, Taikondow na’in 3, no Voli Praia na’in 4.
Entretantu Asian University Games ne’e nu’udar eventu rejionál ne’ebé mak realiza kada tinan 2 dala ida no partisipa hosi atelta universitariu sira hosi nasaun 11 iha Asean hanesan, Tailandia, Myanmar, Brunei, Indonézia, Filipina, Laos, Cambodia, Singapoore, Malaysia, no Timor Leste.
Charlly Junior
