DILI- Governu liuhosi Sekretáriu Estadu Juventude no Desportu (SEJD), tinan ne’e redus tiha orsamentu ba realizasaun kampeonatu nasional, hosi Federsaun Atletismu Timor-Leste.
“Ohin ita realiza Kampionatu Nasionál ba 2022 nian ho objetivu atu selesiona atleta ba jogu sira tuir mai“, dehan Afranio Xavier Amaral, liu husi nia diskursu iha stadion Munisipal Dili tersa (16/08).
Afranio afirma, orasmentu ne’e aloka husi Governu liuhosi Sekretáriu Estadu Juventude no Desportu ho montante dollar Amerikanu 15.000 USD.
“Kompara ho tinan kotuk liu ba ita hetan 23.000 entaun entaun ita aumenta volume ba ema maibé tinan ne’e ita redus partispante sira tanba haree situasaun orsamentu limitadu mai hosi ita nia Sekretariu Estadu Juventude no Desportu” dehan Afranio
Prezidente ne’e esplika, husi Kampionatu Nasionál ne’e oinsá atu tais ka define atleta ne’ebe atu reprezenta kontijente Timor-Leste iha jogu internasional ne’ebe sei akontese iha tinan 2023.
Nia akresenta, jogu Asean Games sei akontese iha Maiu tinan 2023, ne’ebe sei realiza iha nasaun Cambodia.
Prezidente Federasaun ne’e afirma, atleta ne’ebe marka presenza iha Kampionatu Nasionál ne’e husi Munisípiu 13, kada Munisípiu atleta na’in haat, mane rua no feto inklui ofisial ida.
Núne’e mós Sekretariu Estadu Joventude no Desportu (SEJD) Abrao Saldanha, orgullu ho modalidade Atletizmu tanba hatudu prestasaun di’ak no fila mai Timor Leste ho rezultadu pozitivu.
“Ohin ita realiza tan Kampionatu Nasionál ba atletizmu atu selesiona atleta potensial ne’ebe prepara ba jogu internasional sudeste Aziatiku Asean Games tinan oin” nia informa
Governante ne’e hatutan, husi Kampionatu Nasionál ne’e prepara atleta sira ba jogu CPLP iha tinan 2024, tanba Timor Leste mak sai uma nain entaun atleta sira tenke prepara.
Eventu ne’e rasik sei hala’o durante loron 2 hahau hosi loron16 -17 fulan ne’e.
Entretantu iha eventu ne’e partisia husi, Sekretáriu Estadu Juventude no Desportu (SEJD), Abrao Saldanha, Prezidente Federasaun Atletizmu Timor Leste (FATL), Afranio Xavier Amaral, Diretora Nasionál Alta Kompetisaun SEJD, Maria Luiza Monteiru, acesor Prezidente Repúblika ba asuntu Desportu, Reprezenta Confederasaun Desportu Timor-Leste (CDTL), Arbitrazen no asosiasaun Munisípiu 13.
Caet
