DILI– Federasaun Voleibol Timor Leste (FVTL) daudaun ne’e hala’o hela perparasaun ba atleta nain 6 hodi perpara ba Sea Games edisaun 32 iha Kambodia.
“Federasaun voleibol Timor Leste nia partisipasaun ba Sea Games 2023 Kambodia ita voleibol indoor la partisipa ita partisipa deit ho veleibol de praya ita perpara tiha ona ekipa tolu hamutuk kompostu hosi ema nain 6 mane deit ekipa tolu ne’e hala’o hela treinamentu komesa fulan novembru liu ba ate agora sei lao hela” dehan Prezidente FVTL Inocensio Araujo da Silva ba jornalista iha edifisiu CONTL, Dili sexta, (13/01).
“Ita perpara jogador nain 6 ne’e inklui jogador ekipa rua ne’ebe partisipa iha Asean university games iha Thailandia ne’ebe hetan terseiru lugar ekipa rua ne’e mos tama hotu iha selesaun sea games 2023 Kambodia sira halo perparasaun Hela” nia hatutan.
Atleta nain 6 ne’ebe Federasaun dadaun ne’e perpara sei halo fila fali reselesaun hodi eskoila Primeru lugar Segundu lugar ne’e sira mak hetan oportunidade hodi reprezenta voleibol de Praya ba tuir Sea Games Kambodia 2023.
Maske nune’e ekipa ne’ebe okupa iha terseiru lugar ne’e FVTL halo hanesan rezerva nukazu iha prosesu perparasaun mak ekipa rua ne’e iha kestaun balu mak impede sira labele ba Federasaun bele subtitui ekipa terseiru lugar ne’e hodi ba kompete.
“selesaun ikus ba ekipa rua ne’e depois de fulan abril mak foin halo selesaun ba ekipa tolu ne’e atu hetan kualifikadu primeru segundu ba reprezenta Sea Games 2023 iha Kambodia” tenik nia.
Dadaun ne’e fvtl kontinua hala’o perparasaun ho tuir kondisaun ne’ebe mak federasaun iha hodi halo perparasaun.
Dvo
