Dili– Federasaun Atletismu Timor-Leste, aban loron (16/08/2022) sei realiza kampeonatu nasonal hodi defini kualidade hodi perpara ba eventu internasional.
“Aban sira sei kompete iha Estadion hahú hosi loron 16 to’o 17, kampeonatu Nasional ne’e ita tenke Realiza iha 2022 ne’e núne’e atu defini atleta sira ne’ebé mak sai hanesan Kampeaun ho kualidade tempu ne’ebé mak di’ak ida ne’e mak sei deside ba partisipasaun eventu internasional“
Lia hirak ne’e hato’o husi prezidente Federasaun ateltismu Timor Leste Afranio Xavier, ba jornalista sira hafaoin remata hala’o teknikal meeting iha Ginaziu Desportu Dili (GDD), segunda (15/08).
Nia dehan, kampeonatu nasional refere sei partisipa hosi munisipiu sira hotu no kada Munisípiu sei partispa ho Atleta na’in 4 kompostu hosi Mane 2 no feto 2 ho ofisiál ida.
Nia informa aktividade ba kampeonatu nasional ne’e sei hala’o uluk ho Númeru korida lansamentu javelina 1800 metru, 1500 metru, 5000 metru no 10.000 metru.
Atividade kampeonatu Nasional iha territóriu Timor-Leste ne’e nu’udar membru ba Federasaun Internsional i atleta ne’ebé mak sai Kampeaun ba kampeonatu Nasional ne’e mak iha direitu tinan ida nia laran
Nia explika, Tanba hosi kampeonatu ne’e mak haree mós ba sira nia tempu ho tempu ne’ebé mak atleta sudeste Áziatiku atinji iha Sea Games.
Kampeonatu Nasional Federasaun Atletismu Timor-Leste nian ne’e apoiu husi governu liu hosi Sekretariu Estadu Juventude no Desportu (SEJD) ho totál orsamentu hamautuk 15.000.00 dólar Amerikanu.
CharllY Junior
