Dili – jogu kontinuasaun Taça FALINTIL Futsal 2022, faze grupu (B), ekipa Ministeru Obras Públika (MOP), Trava ekipa hosi Liga Futsal Segundo Divisaun B’tal Fc ho score 2-2.
Iha jogu Primeira parte hahú ekipa rua ida idak hatudu sira nia ritmu jogu hosi bola pasajen ba malu hodi buka oportunidade hodi produs golu, ho lais maibé seidauk iha dalan tanba tanba ekipa ida ida mantein ho sira nia linha ne’ebé mak solidu.
Maibé tama iha minutu 2, ekipa MOP halo ekipa B’tal Fc, hakfodak liu hosi golu lais ne’ebé mak produs hosi jogador, Jefriano da Costa, hodi hatuur score ba 1-0.
Ekipa B’tal Fc, ne’ebé mak tun ho jogador Pra Liga Futsal tomak tenta naftin hodi halo golu responde, maibé defensivu hosi ekipa mantein solidu no la fó fatin ba ekipa B’tal Fc hodi halo golu.
No tama ba iha minutu 7 ekipa MOP produs tan golu ida hodi haboot liu tan score ba 2-0, liu hosi jogador, Caetano.
Eskor refere halo jogu sai manas liu tan tanba ekipa B’tal ne’ebé mak mai hosi Pra Liga Futsal iha ambisaun bo’ot atu produs golu responde maibé to’o termina jogu Primeira parte score mantein 2-0.
Kontinua ba jogu segunda parte ekipa rua mantein hatudu sira nia superioridade jogu, maibé la iha mudansa golu ruma tanba ekipa rua jogu ho kuidadu tebes hodi mantein sira nia linha ne’ebé mak solidu.
Ekipa B’tal nu’udar ekipa forte ne’ebé mak hotu hotu mai hosi jogador Liga Futsal konsege produs golu ida hodi hamihis score ba 2-1, liu hosi jogador Joao Sousa.
Eskor refere halo jogu sai manas liu tan tanba ekipa MOP mai ambisaun bo’ot atu gainha vitória hodi lídera faze grupu.
No ekipa B’tal Fc, ne’ebé mak iha ambisaun hodi marka golu responde ho halo empata tanba ne’e ekipa rua hotu-hotu hatudu superioridade jogu, maibé la iha mudansa golu ruma tanba ekipa rua jogu ho kuidadu tebes hodi mantein sira nia linha ne’ebé mak solidu.
Maibé molok atu termina jogu segunda parte ekipa B’tal Fc, konsege responde golu ida hodi hatuur score ba 2-2, to’o termina jogu segunda parte.
Hafoin remata jogu ofisiál Ministeru Obras Públika (MOP), Martinho Ribeiro, hatete, maske ekipa B’tal iha ona esperiénsia joga iha Pra Liga maibé iha kampu laran buat hotu bele akontese.
“Ohin ami halo jogu ho ritmu as ne’ebe ami ekipa MOP FC jogador mesak funsionariu deit ne’ebe ami la halo preparasaun ho diak mai ohin hasoru ekipa ne’ebe diak ho rezultadu skore empata 2-2 ho ekipa ne’e fo oportunidade ba ami hakat ba faze tuir mai tanba ami sei iha jogu ida ikus” ofisial MOP FC Martinho Ribeiro ba jornalista JHD iha fatin kompetisaun Fatuhada, Díli segunda (15/08).
Entretantu ofisial B’Tal Anderson G. De S. Ximenes informa, ohin iha minutu 20 dahuluk sira falla iha finalizasaun no jogador halo sala adversáriu konsege marka golu rua hodi lidera 2-0 maibe tama ba parte minutu 20 daruk sira konsege halo jogu diak marka golu rua hodi halo empata jogu.
“Ohin minutu 20 parte dahuluk nian ami falla iha finalizasaun maski ami jogu diak no domina bola maibe ami ladun aproveita ho diak hodi marka golu no jogador halo sala entaun parte adversariu konsege marka golu rua hodi lidera parte dahuluk ho skore 2-0 no tama parte daruak ami konsege hadia hodi marka golu rua hodi halo empata” tenik nia
ADS
