DILI– Ekipa Futsal Ministeru Interior (MI), optimista atu manan adversariu Ministeru Obras Publika (MOP) iha jogu kontinuasaun Taxa 3 de Marsu 2024 faze eliminasaun meias finais Ne’ebe mak tuir orariu sei hala’o iha loron 28 fulan Fevereiru 2024.
Duelo entre ekipa rua ne’e sei hala’o iha kampu multifunsaun Bebora Dili, kuarta 28 fevreiru ne’e, dalan dalan bá jogu ne’e ekipa rua hotu hotu perparadu ona atu hadau bileti hodi ba final.
Tuir treinador ekipa Ministeriu Interior Vital Saldana, sira nia ekipa Ministeriu Interior preparadu atu Joga hasoru MOP iha Jogu Semi Finais.
Treinador ne’e haktuir katak, durante ne’e nia observa ona ekipa MOP nia jogu no nia mos rekonese ekipa MOP nakonu ho Jogador Estrela.
“Maibe ami ekipa Ministerio Interior mos ho jogador nebe mak iha esperensia kuase hanesan hotu, hanesan treinador prepara hela estrateija ida mak kontrola jogador adversariu hakalma ritmu de jogu tamba ita hare MOP mai ho jogu ne’ebe mak makas no lais, i hau nia ekipa atu halo presaun para hatun temsi jogu husi MOP nian” dehan Vital ba JHD Tersa (27/02).
“Sim hanesan Treinador tenki Optimista katak hau nia jogador sira sei hatudu Jogu nebe mak diak no sei lori rezultadu diak mai ekipa Ministerio Interior no hau nia Ekipa sei manan ami nia adversariu” Vital hatete
Nia dehan, konaba rezultadu labele termina ba adversariu maibe nia garantia katak sira sei hetan Tiketi Ida ba jogu Final Taça Veteranus ba Tinan ida ne’e.
“Hare ba Treinador husi MOP Martinho Ribeiro Laos deit amigu maibe hanesan mos hau nia senior ida iha Futebol Salaun nian hau Respect treinador husi MOP no nia mos iha esperensia iha Futebol Salaun tamba uluk sira mak lori Selesaun Timor ba joga Futebol Salaun iha Macau
Maibe hau mos ho Estrategia rasik hanesan jerasaun kontinuador sira nian hakarak Manan ekipa husi hau nia amigu ga hau nia senior ne’e” dehan Vital
Hatan ba lia-manas hosi treinador ekipa Ministeriu Interior nian ne’e treinador Ministeru Obras Publika (MOP), Martinho J.C. Ribeiro informa, MOP sempre perparadu ba jogu ne’e no sei mantein ho sira nia ritmu jogu.
“Obrigado ba hau nian alin ou amigu Vital strategia ekipa 2 bele iha hotu maibe 40 minutos mak foin bele determina iha Jogos ne’e”
“MI ekipa ida mos diak tanba iha jogadores ida ga rua mos iha esperensia joga Futsal kona ba estragia MOP mantein nafatin ritme jogos ne’ebe durante ami aplika no ami garante sei hatudu jogu ne’ebe di’ak no fair play” dehan Martinho Ribeiro.
“Ami optimis katak ho skuad jogadores nebe agora garante sei manan iha jogo ne’e, no bele ultrapasa ba Final , Golos hira la importante” dehan Martinho ho fiar Aan.
JHD
