DILI– Federasaun Atletismu Timor Leste (FTA) to’o oras ne’e seidauk halo perparasaun tanba sei desizaun hosi Konfederasaun Despotu Timor Leste (CDTL).
Tinan ne’e Timor Leste sei partisipa iha jogu sudeste aziatiku Sea Games ba edisaun 32 iha Kambodia, Timor Leste sei partisipa ho modalidade hamutuk 10.
Modalidade hirak ne’e mak hanesan Taikondow, Voly pray, Boxe, futebol, karate, inklui Modalidade Atletismu.
Maibe Modalidade Atletismu Timor Leste to’o oras ne’e seidauk halo perparasaun tanba sei desizaun hosi Konfederasaun Despotu Timor Leste (CDTL).
“Perparasaun seidauk iha tanba ami sei hein CDTL perparasaun ami komesa lao maibe to’o Agora ami seidauk” Informa treinadora Odete ba JHD iha Ginaziu Despotu Dili Sexta (03/02).
Nia dehan, tinan ne’e modalidade atletismu sei partisipa iha Sea Games Kambodia ho atleta nain haat. No hosi atleta nain haat ne’e kompostu hosi feto ida no mane nain tolu.
Atleta nain haat ne’e mak hanesan, Felisberto de Deus, Manuel Andrade, Angela, no Johny Martins
Rekorda fila fali katak Iha Sea Games Vietnam tinan 2022 atletismu konsege rekoila medaila Osan mutin rua ne’ebe konkista hosi atleta Felisberto de Deus.
Dvo
