DILI– Prezidente Konfederasaun Despotu Timor Leste (CDTL) Macario Sanches, informa, tinan ne’e Federasaun natasaun Timor Leste (FNTL) la partisipa iha Sea Games Kambodia 2023 tanba la iha kualidade prestasaun iha Sea Games Vietnam 2022.
“Avaliasaun hosi rezultadu Sea Games Vietnam hatudu katak kualidade prestasaun ladun fo vantajen pozitivu ba natasaun atu ba” informa prezidente CDTL Macario Sanches ba jornalista iha GDD sexta (02/02).
Nia afirma, Se FNTL ba para atu hetan esperensia entaun bele partisipa iha open championship ne’ebe mak eleva nia kualidade.
“Maibe ita seidauk final tanba ne’e sei prosesu Hela perparasaun lao hela depois mak Ita haree dentru de fulan rua fulan tolu” tenik nia.
Hatan ba kestaun ne’e prezidente Federasaun Natasaun Timor Leste (FNTL), Laurentiu Guterres, hatete, Federasaun natasaun nafatin respeita ho desizaun ne’ebe mak CDTL
“Federasaun ami kualker desizaun ne’ebe mak CDTL foti katak natasaun la partisipa ne’e ita tenke respeita tanba sira mak halo desizaun ne’ebe sira deside katak natasaun la partisipa ami labele partisipa” dehan Laurentio.
Enkuantu iha Sea Games edisaun 31 iha Vietnam ne’e modalidade natasaun partisipa ho atleta nain tolu maibe la konsege hatudu prestasaun diak.
Entertantu tinan ne’e Timor Leste sei partisipa iha Sea Games edisaun 32 iha Kambodia ho Modalidade hamutuk 10 maibe modalidade tolu sei ba ho fundus rasik Mak hanesan Badminton, sepak takraw, no soft tenis.
Dvo
