Dili: Mushila FC lori iogador partisipa liga tinan kotuk Garante manan Assa FC iha Kopa FFTL 2024 tanba klube adversariu ne’e foun no la ameansadu ba klube Mushila rasik.
Jogu entre Mushila FC kontra Assa FC sei halalo iha estadium munispal Dili iha loron aban sabadu, loron 11 fulan manu 2024 iha tuku 16:00 oras Timor-Leste.
“Aban ami sei tun ho ekipa kompletu tanba jogador lokal deit maioria mak joga iha liga tinan kotuk no la iha jogador estranjeiru maibe, aban ami rekunese ami nia jogu dahuluk iha ami nia pool nune’e ami garante manan ka minimu liu impata ho ekipa adversariu maski la fasil tanba kada ekipa adversariu mai ho jogador diak deit dehan” asistente treinador Mushila FC ba jornalista sira liu husi konferensia imprensa iha Xanana Sport Center sesta. (10/05/2024).
Van basten informa tan, sıra husi Mushila FC, sira nia preparasaun, sira prepara ho tempu badak ba kopa ida ne’e, sira nia preparasaun ba kontra Assa FC ne’e sira mai ho ekipa kompletu ho jogador laos ho foun tanba jogador sira tinan kotuk partisipa liga ne’e nune’e sira preparadu harame jogu kontra Assa FC tha Estadium Munispal Dili ba loron aban nian.
Asistente Treinador salienta tan, sira rekonese Assa FC ekipa foun maibe sira mai ho jogador profesional hotu ho treinador diak ida mos foin mai husi nasaun Macau nune’e sira sei tau atensaun ba ida ne’e tanb sira sente klube Assa laos ekipa fraku no mos la ameansadu ba sira.
Iha fatin hanesan kapitaun Assa FC Salvador Carlos, sira nia preparasaun diak kontra adversariu maski sira rekunese sura ekina foun hasoru ekipa forte nakonu ho jogador liga no selesaun nasional.
“Ami husi ekipa Assa FC, ami preparasaun maizumenus diak para atu hasoru ekipa Mushila iha Kopa FFTL tinan ne’e, ami rekunese ami ekipa foun hetan oportunidade nune’e ami garante tenki iha preparasaun diak para hasoru ekipa adversariu Mushila FC iha loron aban, ami rekonese Mushila FC ekipa forte ho jogador barak joga ona iha liga no inklina an iha selesaun nasional nune’e ami sei antisipa ba ida ne’e no ami optimista sei hatudu kualidade jogu“, tenik kampitaun
Salvador afirma tan, sira nia jogu aban kontra Mushila FC, kona eskore ne’e minutu 90 mak sei determina rezultadu.
Entretantu jogu Mushila FC kontra Assa FC ne’e jogu dahuluk iha pool B ba Kopa FFTL 2024 no ekipa haat iha pool B maka Mushila FC, Assa FC, ATL Mota Ain no Rai Klaran FC.
Reportajen: ADS
