Martinho Ribeiro ho naran koñesidu “PAI TÍ”, eis-jogadór Summa FC (Bank Summa) hanesan Timor-oan ba-dala uluk ne’ebé hala’o kna’ar nu’udar inspetor do Jogo/Match Commissioner FFTL iha jogu sira nível nasionál, rejionál no internasionál.
Públiku sira ne’ebé familiar ho futeból sempre hatene kna’ar prinsipál match commissioner nian, hanesan responsável máximu ba lala’ok jogu nian dezde antes no depois de jogo remata, atu nunne’e bele garantia la’o tuir regulamentu jogu nian, portanto iha responsbilidade bo’ot no determinante mós ba jogu ida la’o ho di’ak no susesu, dehan Martinho Ribeiro.
KARREIRA AMADORA – PROFISIONÁL;
1. FUTEBOLISTA
– 1983, FC Junior Academica Maranatha
– 1985-86, Gricenfor Senior
– 1987-89, Carsae FC
– 1990-91, Summa FC (Bank Summa)
2. TREINADÓR FUTEBÓL 11
– 1992-93, Ekipa SMA 1 Díli
– 1994-95, Ekipa UNTIM Díli
– 1996-98, Ekipa São Paulo Díli
– 1997, Cacusa (Díli Timur – Liga Lorosa’e), Cruizeiro (Díli Barat – Liga Lorosa’e)
– 2003, Asistente Treinadór Selesaun Nasionál TL ba preliminary round of the 2004 AFC Asian Cup qualification iha Sri Langka
3. TREINADÓR FUTSAL
– 2007, Treinadór Futsal ba eventu Associação dos Comités Olímpicos de Língua Oficial Portuguesa (ACOLOP), Macau – China
– 2008, Treinadór iha torneio Asian Indoor Games, Macau – China
– 2012, Treinadór Futsal ba AFF Futsal Championship, Thailand
4. PROFISIONÁL
– 2006-15, Inspetor do Jogo/Match Commissioner ba jogu sira nível nasionál no internasionál iha FFTL
-2015, Match Commissioner iha jogu Pra-Kualifikasaun Kopa Mundial Rusia 2018 entre;
– TLS 🇹🇱vs 🇲🇳Mongólia (1° Round)
– TLS 🇹🇱 vs 🇸🇦 Arábia Saudita (2° Round)
– TLS 🇹🇱 vs 🇦🇪 UEA (2° Round)
– TLS 🇹🇱 vs Palestina 🇵🇸 (2° Round)
– TLS 🇹🇱 vs 🇲🇾 Malázia (2° Round)
– 2015 – agora, Diretór Kompetisun no Match Commissioner iha Órgaun Liga hahú hosi Liga Futeból Amadora (LFA) até transforma ba Liga Futeból Timor-Leste (Semi-Profisionál):
– Primeira Divizaun
– Segunda Divizaun
– Terceira Divizaun
“Hau-nia esperansa bo’ot ba futuru, futeból Timor-Leste lae ós de’it hetan progresu di’ak iha kualidade jogu sira maibé mós sei prodúz liután maluk Timor-oan seluk hodi bele atinje kualidade di’ak iha serbisu Match commissioner nian hodi komprende liután regulamentu jogu nian LOTG (Law of the Game), hanesan durante ne’ebé ho ha’u-nia membru sira prátika ona tuir ami-nia kapasidade no esperiénsia”, deklara Pai Tí.
Rep JHD
