DILI– Ensinu Sekundariu Geral (ESG) An-Nur susesu rekoila pontus tolu iha jogu dahuluk faze apuramentu pool (D), hafoin festa golu ba rede adversariu Eskola Sekundariu Geral (ESG) Herois da Patria ho score fantastiku 9-1.
Hala’o jogu iha kampu Federasaun Futebol Timor-Leste FFTL formoza Dili Domingu (03/09). Ekipa rua tun hala’o jogu ho tensi ne’ebe mak aas maibe jogador ikon Herois da Patria hala’o jogu ho deit minutu rua sa’i kedas hosi kampu tanba sofre aleiza.
An-Nur ne’ebe mak lansa atake ho agresivu la persija tempu naruk atu fura rede Herois da Patria jogu foin hala’o deit minutu 4 Painito Belo loke ona score ba An-Nur.
Ho golu ne’e halo ekipa An-Nur nafatin lansa presaun makas hodi marka tan golu tolu tuir malu liu hosi jogador Delson Pinto, iha minutu (23) Michael Soares iha minutu (31), Rizky Fernandes iha minutu 33. Hodi hatuur score ba 4-0.
Maibe antes atu termina jogu primeira parte 40+2 juvencio Ximenes, susesu fura rede ESG An-Nur hodi hatuur score ba 4-1 iha priemeira parte.
Kontinua ba jogu segunda parte tensi jogu sa’i manas liu tan ba An-Nur ne’ebe mak hala’o jogu ho agresivu hodi kontinua marka tan golu 5 iha segunda parte hodi hatuur score ba 9-1.
Golu 5 iha segunda parte ne’e marka hosi jogador Natalino da Silva minutu (47) Francisco Ribeiro minutu (59), Fabiano Gomes iha minutu (62), Mesias Leal iha minutu (70) no (76).
Hosi rezultadu vitoria ne’e lori ekipa An-Nur dudu tun Cristal iha pozisaun dahuluk hodi ukun provizoriu pool (D) ho pontus 3 hosi jogu dala Ida hanesan ho Cristal maibe diferente iha produtividade golu.
JHD
