DILI– Eskola Tekniku Vokasional Ekonomia e Comercio Becora, elimina ona iha taça esperança 2023, hafoin derota ho adversariu Sao Pedro Comoro ho score fantastiku 9-0, iha jogu kontinuasaun faze apuramentu pool (B), ne’ebe mak hala’o iha kampu Federasaun Futebol Timor-Leste (FFTL) formoza Dili, Kinta (07/09).
Derota hosi EEC Becora ne’e ba dalarua ona antes ne’e iha jogu dahuluk eskola ne’ebe mak lideradu hosi Treinador Cristovao Assis ne’e derota uluk ho nia adversariu Ensinu Sekundariu Esternatu Sao José ho score 5-2.
Iha jogu daruak kontra Sao Pedro, EEC Becora hala’o jogu ho agresivu desde inisiu jogu primeira parte maibe jogu foin hala’o deit minutu 4 rede EEC Becora nakdoko ona liu hosi asaun Tofiano Amaral hodi lori Sao Pedro lidera ho score 1-0.
Ho golu ekipa ne’ebe lideradu hosi Treinador Cristovao Assis, ne’e kontinua hala’o jogu agresivu liu tan hosi linha klaran hodi la fo espasu ba adversariu Sao Pedro atu produs golu ho nune’e to’o termina jogu primeira parte score mantein 1-0.
Kontinua ba jogu segunda parte intensidade jogu komesa makas liu tan ba ekipa rua ne’e hodi lansa presaun makas ba malu maibe eskola EEC Becora ne’ebe mak hahu lakon ninia rejistensia halo ekipa Sao Pedro aproveita hodi halo festa golu ba rede EEC Becora iha segunda parte ho golu hamutuk 8.
Festa golu iha segunda parte ne’e marka hosi jogador Jenilson Santa, iha minutu (43), Leonardo Santos (44′ 62′ 79), Tofanio Amaral (55′ 73), Adroaldo Martins (66) Rivaldo Santos (75).
Ho rezultadu vitoria ne’e hatuur ekipa Sao Pedro uluk provizoriu pool (B) ho pontus 4 hosi jogu dala rua manan idae no derota empata dala ida.
Enkuantu ho derota ne’ebe EEC Becora sofre la muda sira nia pozisaun no MANTEIN iha pozisaun ikus ho pontus 0 hosi jogu dala rua deorta hotu ho nune’e la iha ona oportunidade atu hakat ba faze eliminasaun maske sei iha oportunidade jogu ida.
JHD
