DILI– Ensinu Sekundariu Geral (ESG) 12 de Novembro Becora susesu halakon nia adversariu Externato Sao José ho score fantastiku 5-1 iha jogu kontinuasaun Taça Esperança 2023 faze apuramentu pool (B).
Hala’o jogu iha kampu Federasaun Futebol Timor-Leste FFTL formoza Dili, Kinta, (07/09). Iha inisiu jogu ekipa 12 de Novembro Becora foti inisiativa hodi halo presaun makas ba ekipa adversariu Externato São José konsege halo defeza hosi Externato São Joséatrapalha no ekipa 12 de Novembro konsege lansa golu tolu iha primeira parte.
Golu priemeiru hosi 12 de Novembro Becora produs hosi jogador Florencio Pereira iha minutu 26 no golu rua seluk marka hosi jogador Fernando Freitas iha minutu 33 no Gaspar Soares iha minutu 38 hodi taka priemeira parte ho score 3-0.
Iha segunda parte tenis jogu komesa manas ba ekipa rua ne’e hodi lansa kontra atake ba malu no tama ba iha minutu 46 Florencio Pereira halo rede Sao José nakdoko hikas hodi lori nia ekipa lidera ho score 4-0.
Externato São José foin responde golu ida iha minutu 68 hodi hamihis score ba 4-1, liu hosi jogador José Pereira.
Maibe liu deit minutu rua Florencio Pereira tan golu terseiru, hodi lori nia ekipa lidera ho ho score 5-1 hodi terminal jogu segunda parte vitoria ba ESG 12 de Novembro Becora.
Hosi rezultadu vitoria ne’e hatuur provizoriu ekipa 12 de Novembro Becora iha pozisaun daruak pool (B) ho pontus 4 hosi jogu dala rua manan ida no empata dala no sei hala’o tan jogu dala Ida.
Enkuantu ekipa Externato Sao José iha pozisaun datoluk ho pontus 3 hosi jogu dala rua manan ida no derota dala no sei iha jogu dala ida no mos sei iha oportunidade atu hakat ba faze eliminasaun.
JHD
