DILI– Orgaun Liga Futebol Timor-Leste (LFTL) dadaun ne’e rejista ona klubu sia (9) hodi hodi kompete iha Liga Timorense epoka 2022-2023.
“Klubu sira mak mai rejistu iha Liga Futebol Timor-Leste Klubu iha sia (9) mak mai mai rejistu iha ne’e primeru divizaun mak Coracao Fc, AS Ponta Leste, Assalam Fc, no mos Karketu Dili Fc. No Segunda divizaun mak DIT Fc, Lica-Lica Lemorai Fc, Fitun Estudiante Fc, Nagardjo Fc no Kablaki Fc” dehan assitente verifikasaun e lisensa LFTL Felisberto M. De Jesus ba jornalista Tersa (24/01).
Nia hatutan, ba klubu sira ne’ebe seidauk rejistu ne’e foti ona formulariu iha LFTL no tempu badak sira mai rejistu iha ne’e.
Tuir kriteria hosi LFTL kada klubu hosi primeru divizaun sei rejistu jogador hamutuk 27 no segunda divizaun sei rejistu 30 jogadores.
Klubu sira ne’ebe mak hamahan aan iha orgaun liga Maioria foti ona formulariu hosi LFTL no tempu badak sei rejistu iha LFTL.
Entertantu, LFTL hahu loke ona janela tranfernsia ba epoka 2022-2023 ne’e iha loron 12 fulan Janeiru no sei termina iha loron 12 fulan Fevereiru tinan ne’e.
Antes ne’e liu hosi desizaun koletivu entre Klubu ho LFTL katak Liga Timorense epoka 2022-2023 ne’e sei abertura iha loron 17 fulan Fevreiru tinan ne’e no sei organiza hosi LFTL.
Entertantu Sira ne’ebe iha diretu atu partisipa liga Timorense ba Primeru divizaun mak hanesan As Ponta Leste, Assalam Fc, Karketu Dili Fc, AD SLB, Emanuel Fc Aitana Fc, Academica Fc, Portu Taibesi no Atletico Ultramar/Coracao Fc.
Enkuantu hosi segundu divizaun mak hanesan DIT Fc, Lica-Lica Lemorai, Nagardjo, Fitun Estudiante Fc, As Marca, Boavista Fc, no Zebra Fc.
DVO
