DILI — Klubu Ibuna Fc hosi sidade Sao Paulo Brazil prontu ona atu simu jogador juvenil Timoroan Ario Melio Ximenes no Norberto Olivio Costa hodi hala’o treinamentu durante tinan ida. Ho nune’e loron 29 fulan janeiru ne’e Jogador nain rua ne’e sei aranka ba Brazil.
Kestaun ne’e hato’o hosi diretora alta no kompetisaun SEJD Maria Luiza Monteiro ba jornalista iha nia knaar fatin SEJD sexta (20/01).
“Tuir lolos jogador nain rua ne’e aranka iha loron 20, maibe ita haree ba prosesu dokumentus sira seidauk loos entaun sira nain rua nia data fiksu atu aranka ne’e mak iha loron 29 fulan janeiru tinan ne’e” hatete diretora alta kompetisaun.
“Jogador nain rua ne’e sei hala’o treinamentu iha klubu Ibiuna Fc durante tinan ida no prezidente klubu mos prontu atu simu sira nain rua” Nia hatutan.
Diretora ne’e hatete, Sekretariu Estadu Joventude no Despotu (SEJD) sei halo despedida ho jogador nain rua ne’e iha loron 27 fulan ne’e, molok desloka ba Brazil.
Entertantu jogador nain rua ne’e hosi asosiasaun futebol munispiu Baucau jogador nain rua ne’e hetan oportunidade atu hala’o treinamentu iha Brazil hafoin hetudu prestasaun diak iha jogu juvenil sub 16 iha tinan 2021 Liu ba.
Enkuantu jogador nain rua ne’e Jogador Ario Melio Ximenes sei ativu Hela iha selesaun Nasional Sub 16 no Norberto Olivio Costa ativu iha selesaun nasional sub-19.
Espera katak jogador nain rua ne’e bele hatudu rezultadu diak iha Brazil nune’e bele iha kontinuasaun, ba sira nain rua nia formasaun treinamentu.
DVO
