DILI– Klube zigante rua hosi Primeru divizaun Liga Timorense As Ponta Leste no Assalam Fc rejistu ona jogador iha orgaun Liga Futebol Timor-Leste (LFTL) hodi kompete iha Liga Timorense epoka 2022-2023.
“Ohin klube hosi Primeru divizaun As Ponta Leste no Assalam Fc mai rejistu ona sira nia jogador ho nune’e agora klube hamutuk 6 mak rejistu ona iha LFTL” dehan assitente verifikasaun e lisensa LFTL Felisberto M. De Jesus ba JHD via watcaap Kuarta (18/01).
Aumenta ho Klube rua ne’e hamutuk 6 ona mak rejistu mak hanesan primeru divizaun Atletico ultramar/ Coracao, As Ponta Leste no Assalam Fc.
No hosi segundu divizaun mak hanesan DIT Fc, Fitun Estudiante Fc no Lica-Lica Lemorai
Rejistrasaun ba jogador hahu ona iha loron 12 fulan janeiru no sei termina iha loron 12 fulan fevreiru.
Antes ne’e iha LFTL ho klube sira iha ona konkordansia ida katak Liga Timorense sei hahu iha loron 17 fulan janeiru tinan ne’e.
Entertantu klube hosi Primeru divizaun As Ponta Leste, Assalam Fc, Karketu Dili Fc, AD SLB, Emanuel Fc Aitana Fc, Academica Fc, Portu Taibesi no Atletico Ultramar / Coracao Fc.
Enkuantu hosi segundu divizaun mak hanesan DIT Fc, Lica-Lica Lemorai, Nagardjo, Fitun Estudiante Fc, As Marca, Boavista Fc, no Zebra Fc
Dvo
