DILI – Sekretariu Estadu Juventude Desportu (SEJD) kontinua investe ba dezenvolvimentu futebol iha Timor – Leste, liu husi tau osan ba Kopa Juvenil 2022 ne’ebé sei partisipa husi sentru treinamentu juvenile husi munisipiu 7.
Antes ne’e SEJD instala sentru trinamentu juvenile iha munisipiu hitu, nune’e atu kompleta atividade sentru kada munisipiu maka SEJD sei realiza Kopa Juvenil 2022 atu nune’e bele prepara futebolista husi idade kiik kedas.
“Agora ami hanoin atu realiza kopa juvenil 2022 ne’ebe sei partisipa husi sentru juvenil sira kada munisipiu, hanesan sentru treinamentu juvenil Baucau, Lautem, Díli, Likisa, Covalima, Bobonaro no Ermera mak sei hasoru malu” SEJD Abrão Saldanha ba jornalista sira iha edifisiu SEJD Lecidere, Díli tersa (13/09)
Nune’e, ba dahuluk parte SEJD sei haree fasilidade, orariu Liga Timorense epoka 2022, no orariu joga sira seluk molok realiza kopa juvenile.
“Ami sei haree fasilidade no orariu liga futebol Timor-Leste epoka ne’e no atividade jogu sira seluk lao oinsa para adapta fali nia kalendariu hodi cross check ba malu para kopa ne’e lao ho diak“,
Abrão hatutan, orsamentu ne’e sei finansia husi SEJD ba kopa juvenil 2022 ne’ebe sira prepara orsamentu ho montante 20,000 USD.
Sekretariu Estadu ne’e aumenta, governu finansia futebol juvenil ho oin rua maka sentru treinamentu juvenil sira ne’e halo ona iha munisipiu sira hanesan Baucau, Lautem, Díli, Likisa, Covalima, Bobonaro no Ermera no agora sira aumenta tan Akademia juvenil iha munisipiu haat Manufahi, Viqueque, Ainaro no Aileu
Nia Informa, sentru treinamentu juvenil sira nia treinamentu ba jogador juvenil lao hela no akademia juvenil agora halo hela rekrutmentu ba ekipa jestaun sira no orsamentu ba ida ne’e SEJD transfere hotu ba sentru treinamentu juvenil ida-idak no Academia juvenil sira.
ADS
