DILI — Federasaun Futeból Timor-Leste, kontinua fó salariu ba nia staff sira de’it, maibé nafatin abandona jogador selesaun nasionál sira nia direitu, ne’ebé mak hamorin ona Timor Leste nia naran iha eventu internasional sira.
Desde fulan Dezembru tinan 2021 liu ba Timor-Leste partispa iha jogu Internsional Suzuki Cup iha Singapoore, no mós susesu sai terseiru lugar iha eventu AFF iha Kambodia, no mós Sea Games iha Vietnam, diretu hirak ne’e FFTL seidauk selu no nafatin deve
“Tanba tuir promete ne’ebé FFTL hato’o katak wainhira husi FlFA haruka ona osan ne’e mak automatikamente sei atende uluk ba jogadores sira nia direitu maibé iha realidade la akontese” deklara portavoz Ricardo Maia, liu hosi konferensia imprensa iha aimutin Dili, kuarta, (14/09).
Tuir nia, ne’e hamosu deskriminasaun fahe direitu la hanesan entre parte FFTL ho jogador no Staff ka trabalhador sira iha FFTL.
“FFTL atende uluk fali Staff FFTL ba osan fulan rua (2) nian tama dala ida de’it no ami jogadores to agora seidauk hetan ami nia direitu ka osan” nia informa
Sira mós husu ba Federasaun Futeból Timor Leste( FFTL), atu ho lalais selu sira nia direitu ne’ebé mak federasaun promete ona tuir deklarasaun ne’ebé, adjuntu sekretáriu jerál FFTL, Frederico Martins hasai iha loron 11 Julho 2022, molok selesaun nasional atu aranka ba halo jogu amigável iha Bali kontra Filipina.
Tanba Nee selesaun nasionál husu ba FFTL atu toma responsabilidade ba deklarasaun ne’ebé mak FFTL fo sai. Tanba data ne’ebé mak FFTL determina liu ona.
“Ami mos ezize ami nia direitu ne’e mós ami hein kleur ona desde husi fulan Dezembro jogu SUZUKI CUP 2021 iha singapura mai to jogu Kompetisaun AFF iha Cambodia, no halo training camp iha Qatar no jogu ikus nian iha Bali”
Sira mós husu ba Federsaun atu aselera lalais sira nia direitu, tanba FFTL dada tempu ne’e kleur ona hela fulan tolu (3) atu kompleta ba tinan ida.
Tanba nee ho preokupasaun hirak ne’e mak jogadores selesaun nasional lamenta ho aktus balun ne’ebé FFTL rasik halo.
Nia akresenta, ho razaun hirak ne’e mak sira konvoka konfernsia emprensa refere hodi bele hetan lalais solusaun hodi resolve sira nia asuntu.
“Ami mos ezize se karik mak FFTL la selu ami nia Direitu mak ami eliza jogador selesaun nasional sei hato’o keixa ba iha parte relevante sira ne’ebé iha. kompetensia ba direitu Trabalhador atu toma medida imediatamente ba asuntu refere” nia hakotu.
Ekipa Kobertura
