DILI — Klubu Futsal Mushila Fc, nafatin iha komitmentu hodi kontinua hamoris Fun Bike iha Timor Leste.
Mushila Fc, nu’udar klubu Futsal ida ne’ebé mak iha Primeira Divizaun Liga Futsal Timor-Leste, maibé iha komitmentu hodi organiza no kontinua hamoris Fun Bike iha Timor Leste hodi anima komunidade sira no mós fó oportunidade ba foin sa’e sira ne’ebé mak iha talentu liuliu ba bisikleta nian.
“Objetivu ne’e mak hanesan ami nia lema katak Família kontenti, família saudavel bele moris iha kondisaun ne’ebé mak di’ak”dehan Presidente komisaun organizadora”, Aquing Ung (PK) ba JHD iha Farol Dili, Tersa, (13/09).
Aquing haktuir, Programa family fun bike, ne’e sira organiza beibeik ona tinan ne’e ba dala rua no iha fulan hirak liu ba mushila Fc realiza ho BNCTL maibé tinan ne’e sira organiza hamautuk ho Timor Plaza.
Tuir planu atividade refere sei realiza iha loron Sabadu (17/09) ne’e, no hetan, Apoiu ka sai patrosinador ba atividade refere mai hosi BNCTL, ANPM, Federsaun siklizmu Timor Leste, Burger King, Fone House, no seluk tan.
Aquing afirma, programa refere sira sei perpara premiu kuaze 20 i tal ba siklista sira ne’ebé mak partispa.
Tuir nia, atividade ne’e sira sei halo kategoria rua ida ba labarik kiik no ida ba ema boot nian ho premiu ne’ebé mak kuaze hanesan, maibé sei depende fila fali ba númeru partispante sira karik labarik kiik barak mak sei dada sorteu ketak maibé karik mak menus hosi na’in 10 mak komisaun sei tau hamutuk
Maibé ba rute kuaze hanesan de’it, komesa hosi Timor Plaza ba para iha Palacio do Governo sei halo pasa revista iha ne’ebá no kontinua ba to’o iha Area Branca.
Nia informa, programa ne’e kada tinan mushila Fc, sempre servisu hamautuk Timor Plaza ho Polísia Nasional Timor-Leste (PNTL), hodi organiza atividade refere, PNTL mós asegura siklista sira núne’e siklista sira tau kapasete ho seguru
“Ami tenta nafatin halo kampanha ida ne’e liuliu ba sira ne’ebé gosta sa’e bisikleta” Dehan Aquing
Rezistu ami loke Fatin rejistu iha Timor Plaza kada partispante sira rezistu ho folin $ 2, no osan refere komisaun uza hodi sosa fali prémiu hodi perpara fila fali ba sira.
“Ami nia tarjetu ne’e 300, baibain ne’e ita nia siklista sira menus oituan, Agora foin mak rejistu 100 ital espera númeru ne’e sei bele sa’e” katak nia.
Programa ne’e la hetan apoiu finanseiru ruma hosi parte Governo liu liu Sekretáriu Estadu Joventude no Desportu, tanba komisaun la halo aprosimasaun ho parte Governo, maibé sira husu ba governu atu bele tau famíly fun Bike ne’e hanesan programa ida iha kualker selebrasaun nasional iha rai laran.
CharllY Junior
