DILI–Governu liu hosi Sekretariu Estadu Juventude Desportu (SEJD), sei mantein orsamentu ho montante 200.000, USD no Federasaun Futebol Timor-Leste (FFTL), mós mantein ho orsamentu 200,000 USD, tanba ne’e sira sei komunika fila fali ho orgaun Liga Futeból Timor-Leste (LFTL).
Tuir Prezidenti FFTL, Fransisco Jerónimo, hatete, Ohin koalia ho governu tanba foin daudauk koalia hamutuk orgaun LFTL no reprezentante klube sira orsamentu 400,000 USD seidauk sufisiente atu realiza liga epoka ne’e tan ne’e mai deside hasoru fali governu atu husu tan apoiu.
“Maibe governu nia pozisaun mak nafatin ho 200,000 USD ne’ebé federasaun mos mantein 200,000 USD ne’ebe orsamentu governu mantein hau sei koalia orgaun LFTL nu’udar organizador para haree situasaun ne’e maibe liga tenki la’o nafatin ne’ebé orsamentu mak 400,000 USD ne’ebé ha’u sei informa ba orgaun LFTL no klube sira hodi buka dalan atu foti desizaun saida mak ita sei halo para realiza liga epoka ne’e“, relata Prezidenti FFTL Fransisco Jerónimo, ba Jornalista iha SEJD Dili, kuarta, (14/09).
Nune’e mós Sekretariu Estadu Joventude no Desportu (SEJD), Abrao Saldanha, hatete, Ohin hasoru malu prezidente FFTL hatete katak klube sira iha ezizensia husi klube sira atu aumenta subsidiu ba klube ne’ebe difikulta finanseira husi orgaun LFTL no FFTL tan ne’e husu governu atu apoiu tan atu realiza liga epoka ne’e maibe governu deside mantein 200,000 USD tanba ne’e tuir aprovasaun orsamentu husi parlamentu nasional ba SEJD.
“Atu investe ba liga futebol Timor-Leste epoka 2022 ne’ebe SEJD lá iha tan orsamentu adisional atu aumenta entrega fila fali ba FFTL atu koalia fali ho orgaun LFTL no klube sira“, katak Abrão.
Sekretariu Estadu hatutan, posibilidade kontribuisaun finanseiru ne’ebe SEJD, FFTL tau ona hodi informa ba klube sira ba orsamentu ne’e tanba subsidiu ne’ebé durante ne’e governu aplika la iha razaun tan atu aumenta porsentu 100 husi valor ne’ebe mak iha tanba sira halo subsidiu ne’e tinan lima liu ona tanba sira hanoin mantein subsidiu ne’e ezize kompetisaun no prestasaun husi klube sira .
Abrão informa, liga tinan ne’e atu lao depende ba kompetisaun ne’e rasik metade ka full ne’e depois FFTL halo ezersisiu orsamentu ne’e ho orgaun LFTL informa ba klube sira ne’ebe governu nia pozisaun osan mak ne’e ona tanba subsidiu uluk governu maka hahu laos federasaun ne’ebe governu hanoin para neneik atu redus laos hasa’e fali ne’ebe sira enkoraja FFTL no LFTL kontinua realiza liga ne’ebe klube sira ne’ebe hakarak partisipa FFTL no LFTL ho orsamentu 400,000 USD ne’e hala’o liga ba sira ne’ebe ba klube sira ne’ebe lakoi hein osan barak mak sira mai kompete fali.
Enteretantu klubu sira hosi Primeira Divizaun kada klubu husu subsidiu 40 Mill, no segunda divizaun kada klubu husu subsidiu 20 mill.
Enkauntu klubu Primeira Divizaun antes ne’e hetan subsidiu 20 Mill no segunda divizaun hetan subsidiu 10 mill.
ADS
