Jogu entre ekipa rua ne’e hala’o iha Campo Demokrasia tersa (23/11/2021) ekipa rua ne’e hahú jogu primeira parte iha loraik 15:30 OTL.
Iha jogu primeira parte Klubu rua ne’e hala’o jogu iha udan laran maibé jogador sira nafatin esforsu an jogu la’o ho normál.
ho motivasaun boot Klubu Ad S.L.B iha minutu 4 konsege fura rede Academica Fc ba dahuluk liu husi Jogador Julia Belo numeru kamizola 19 ho nunee muda Score 1-0.
Nafatin halo atake ba malu maibé haree ba estratejia ogador husi Klubu Academica laiha vontade atu halai hodi hadau bola,ho ne’e hakat ba minutu 8 Julia Belo, hetan tan oportunidade ba dala rua hodi produz tan golu ba rede Academica hodi hatuur Score 2-0
Ho situasaun udan difisil tebes ba jogador sira tanba be’e nalihu iha campo maske Jogador sira suta makas mós bola labele monu ba distansia Dook no halo Jogador sira sempre monu wainhra atake malu.
Ho Situasaun hirak ne’e klubu Ad.S.L.B iha minutu 12 marka tan golu ida ba rede Academica liu husi Jogador Malenia Saldanha númeru kamizola 28 suta ba iha rede Academica Gurada rede la salva tanba Gurada rede foti liman atu kaer bola maibé bola liu tha nia liman muda score ba 3-0.
Iha vontade ne’ebé di’ak husi Klubu AD.S.L.B Antes primeira jogu remata konsege produz tan golu ida hodi muda aumenta score ba 4-0,liu husi Jogador Vanessa Fernandes númeru kamizola 17 iha minutu 20.
Equanto jogu remata Klubu Academica la maraka golu ida ba rede AD.S.L.B nune’e AD.S.L.B Lidera ho score 4-0.
Tanba kondisaun udan laiha kontinusaun ba jogu Segundo parte, no deside hodi fo oportunidade ba Klubu AD.SLB mak sei manán ba iha jogu loron ohin. Alende realidade mós hatudu katak klubu Ad.SLB Lidera score 4-0 iha jogu primeira parte.
Husi rezultadu vitória ne’e lori AD. SLB hakat uluk ba Meus Finais Copa Rosa Muki Bonaparte, no sei hasoru ekipa ne’be mak sai manán ba jogu entre ASS Baucau kontra Maranatha Fc ne’ebé mak sei hala’o iha loron aban 24/11/2021
Reportajen: Lidia & Putri
