Dili – Assalam Fc susesu halakon nia ekipa adversariu DIT Fc ho score 3-1 iha jogu kontinuasaun Liga Futebool Timorense primeira divizaun jornada datoluk epoka 2021.
Duelo entre ekipa Assalam Fc kontra DIT Fc ne’e hala’o iha Stadion Munisipal Dili Domingu (28/11/2021).
Iha jogu primeira parte ekipa rua hotu hotu hatudu jogu furak iha kampu liu husi kontra ataka maibé Dit Fc ne’e hatudu ritmu jogu hola kedas inisiativa domina area Assalam Fc nian.
Assalam Fc foin produs golu ida iha minutu 43 liu husi jogador Martinho Belo maibé golu ne’ebé marka husi jogador Martinho Belo ne’e kansela tanba bola kona uluk nia liman.
No Tama iha minutu 45 Assalam Fc susesu fura rede DIT Fc liu husi jogador Martinho Belo, hodi muda eskor ba 1-0.
Estremu iskerda ho númeru kamizola 22 ne’e marka golu hafoin simu bola husi Helder iha linha klaran no Martinho hatudu asaun hodi kedok guarda rede Juanico Guterres hafoin tuu ba rede laran, ho score 1-0 mantein to’o taka jogu primeira parte.
Kontinua ba jogu segunda parte DIT Fc halo kedas subtituisau ba jogador nain hodi halo mudansa ba tatika, ho nune’e tama ba iha minutu 55, DIT Fc konsege suta ameasa dala ida liu husi jogador Pedro da Silva maibé sei bele antisipa husi guarda rede Assalam nian nune’e la rezulta golu.
DIT Fc foin mak responde golu ida iha minutu 63 liu husi sira nia Avansadu prinsipál José Almeida hodi hatuur eskor ba 1-1.
Avansadu ho númeru kamizola 7 ne’e marka golu hafoin simu asistensia bola kruza husi nia kompañeru Sewor Mahuse iha parte iskerda.
La hein tan tempu naruk ba ekipa Assalam Fc hodi Lidaera hikas ho score 2-1, iha minutu 72 liu husi Husen Costa.
Futebolista ho númeru kamizola 27 ne’e fura rede DIT Fc nian hafoin simu assistensia bola kruza husi nia kompaaineru iha linha direta no Husen Costa produs golu liu husi kabesda bola.
No tama ba iha minutu 84 Assalam Fc halo tan ameasa ba rede DIT Fc nian maibé bola ne’ebé suta husi Helder hetan blokea husi defeza DIT Fc.
La hela ho ida ne’e Assalam Fc kontinua fo presaun ba DIT iha minutu 89 tempu Bonarudin Amin, maibé bola husi Bonarudin, ne’e sei bele antisipa husi guarda rede DIT Fc nian nune’e la rezulta golu.
Assalam hafoin haboot liu tan score iha minutu 90+2 liu husi jogador Martinho Belo, extremu direta ho númeru kamizola 22 marka tan nia naran hafoin hetan bola barullu iha linha 16 DIT Fc nian no hatudu nia eskil hafoin suta ba rde laran hodi hatuur eskor ba 3-1.
Ho skore 3-1 ne’e mantein to’o termina jogu segunda parte vitória ba Assalam Fc.
Husi rezultadu vitória ne’e lori ekipa Assalam Fc sai husi jona mean hodi sa’e ba okupa iha kintu klasifikasaun provizoriu ho pontus 3 husi joga dala 3 manán dala 1 no lakon.
DIT Fc : Joanico Guteres, Pedro da Silva, Ruben Borges, Venceslau Fatima, Ervinho Soares, Dino Amaral, Edencio da Costa, Ubaldo Belo, Sewor Mahuse, José Almeida, Antito Boavida.
Assalam Fc : Wahyu Pratama, Almerito da Silva, Adao Doutel, Husen Costa, Helder Valente, Sebastiano dos Santos, Riki Permana, Julio Amaral, Martinho Belo, Bonarudin Amin, Emmanuel Tunu
Rep: CharllY
