DILI- Klube sira Ejize direitu kona ba orsamentu premiu jogu no subsidiu ne’ebe hetan akordu ona ho Federesaun no orgaun liga no Federasaun Futebol Timor-Leste (FFTL) sei rezolve direitu klube sira nian iha loron aban.
Klube sira ejize direitu tanba antes tama liga sira halo akordu ho federasaun maibe liga remata ona Federasaun seidauk fo sira nia direitu kona ba orsamentu ba premiu jogu no subsidiu ba klube sira.
“Antes tama liga, ami iha akta ne’ebe klube sira tama liga halo akordu ho Federasaun Futebol Timor-Leste (FFTL) no mos Liga Futebol Timor-Leste (LFTL), klube sira fiar katak akordu sira ne’e bele realiza tanba ne’e klube sira prontu partisipa iha liga Futebol Timor-Leste (LFTL) depois liga ne’e la’o to’o remata, ami kampiaun ona, ami nia direitu hanesan premiu ba jogu no subsidiu ba klube sira to’o agora ami seidauk hetan tanba ami kontaktu ho federasaun diskute kona-ba asuntu ida ne’e”, Prezidente Karketu Dili FC Adilson Ribeiro ba jornalista sira iha edifisiu FFTL Bairo Formosa, Dili segunda (17/01).
Prezidente karketu hatutan, “liga atu hahu sira hetan pagamentu husi federasaun ho montante 5,000 USD (dollar Amerikanu Rihun Lima) maibe ne’e orsamentu covid-19 nian, fundu ne’e mak sira uza ho apoiu husi sponsor no sira kampiaun liga ho osan montante 15,000 USD (Dollar Amerikanu rihun sanulu -resin –lima) no mos ho premiu ba jogu tolu ikus hotu ne’ebe seidauk hetan”.
iha fatin hanesan prezidente Assalam FC Ipolito Soares hatete, “premiu jogu no subsidiu ba klube sira seidauk hetan husi parte federasaun ne’e difilkuta tebes nia klube iha divizaun dahuluk no klube iha divizaun daruak, ne’ebe subsidiu federasauan promete ba sira ho montante 20,000 USD (Dollar Amerikanu Rihun rua nulu) maibe foin 5,000 USD (dollar Amerikanu Rihun Lima) ba klube iha divizaun dahuluk no mos iha premiu jogu ne’ebe sira seidauk fo hotu no difikulta tebes atu responde jogador sira nesesidade tanba ne’e promesa husi FFTL no LFTL mak sira brani hala’o maibe to’o agora sira seidauk fo no sira mos seidauk fob a atleta sira no sira hein subsidiu ho montante 15,000 USD (Dollar Amerikanu rihun sanulu -resin –lima) no premiu jogu kuaze 5,000 USD (dollar Amerikanu Rihun Lima)husi FFTL hodi responde sira nia jogador nia nesesidade”.
Entretantu hatan ba preokupasaun husi Klube sira nian, prezidente FFTL Francisco Jeronimo dehan sei rerolve preokupasaun hirak ne’e iha loron aban tanba orsamentu ba premiu jogu no subsidiu klube sira nian FFTL aprova ona no sei manda ba klube sira.
“Ohin hau aprova ona orsamentu sira ne’e aban transfere ba klube sira no LFTL hotu tanba ohin loraik banku taka hotu ona” Nia dehan
Iha sorin Seluk Diretor Nasional Administrsaun finansa SEJD Guido Monteiro hatutan, orsamentu pursentu neenulu (60%) ba LFTL pedidu SEJd hatama ona ba Ministeriu finansa liu husi banku sentral trasfere ona orsamentu iha loron 10 fulan janeiru 2022 ho montante 186,000 USD (Dollar Amerikanu rihun ida ualunulu-resin neen) ba iha ona konta bankaria FFTL .
Rep.: ADS
