DILI-Confederação Desporto Timor-Leste (CDTL) sigla portuges halo sorumutu ho federasaun hitu, Taekwondo, Karate, Kempo, Judô, Silat, Boxing no Wushu hodi koalia kona ba rezekitu utilidade publiku tuir diploma ministerial publiku desportivu nian.
Liu husi sorumutu ne’e estrutura foun CDTL envolve federasaun hitu atu halo avaliasaun ba federasaun sira hodi nune’e bele hatene situasaun no kondisaun federasaun nian ne’ebe liga ba sira nia prensimentu ba rekezitu ne’ebe tuir diploma ministerial publiku desportivu ba utilidade publiku federasaun nian.
“Ohin halo sorumutu ho federasaun hitu para federasaun sira ne’e kumpri utilidade publiku tuir diploma ministerial publiku desportivu mak federasaun sira tenki iha estatutu, iha estrutura atual, tenki halo asembleia tuir estatutu federasaun nian, tenki iha klube no asosiasaun iha munisipiu sira inklui atleta, arbitrajen no treinador Sira” Vise-Prezidente Zeferino V. Tilman ba jornalista sira iha edifisiu CDTL Caicoli, Dili kuarta (23/02).
Zeferino hatutan, ohin konsege bolu federasaun hitu lolos bolu sia maibe rua la partisipa no rona informasaun husi sira no sira iha posibilidade atu kompleta dokumentu sira fo ba konfederasaun hodi priense rekezitu utilidade publiku tuir diploma ministerial publiku desportivu, ba federasaun sira ne’ebe hamahan ona iha CDTL, sira sei bolu hotu federasaun sira ne’e mai CDTL para haree sira situasaun real, karik federasaun sira nia dokumtu ne’ebe la konsege kompleta no federasaun sira seidauk iha posibilidade atu realiza assembleia ne’ebe to’o nia tempu ona ne’ebe seidauk atinji situasaun diak ruma, konfederasaun buka dalan no tenta apoiu sira tanba konfederasaun nia papel importante atu sai mahon ba federasaun sira hotu no federasun hitu ohin bele submete tan dokumentu seluk hodi kompleta dokumentu ne’ebé seidauk iha, hodi aban bainrua bele preinxe rekezitu ligadu ho utilidade públika desportiva.
Iha fatin hanesan prezidente Federasaun Silat Timor-Leste, Noe Gaspar Pinto da Silva hatete, CDTL bolu sira tuur hamutuk haree sira nia kapasitasaun federasaun ida-idak ne’ebé mak kontribui ba dezenvovimentu desportiva iha Timor-leste atu hadi’a di’ak liu tan dezenpeñu federasaun nian prepara atleta bele kompete iha nivel hotu no mós partisipa eventu internasionál atu hamorin nasaun TL iha mundu internasionál
“Ohin CDTL bolu ami tur hamutuk haree ami kapasitasaun federasaun ida-idak nian ne’ebe mak kontribui ba dezenvolvimentu desportu Timor-Leste atu diak liu tan, dezenpeñu federasaun nian prepara atleta bele kompete iha nivel hotu no mós partisipa eventu internasionál atu hamorin nasaun TL iha mundu internasionál” Noe hateten
Noe hatutan, sira sente katak avalia dokumentu, sira ko’alia barak ba treinador, atleta arbitrajen sira ne’ebe oinsa preparasaun ba jogu nivel nasionál no nivel internasionál nian, bainhira mak atu halo kongresu nasionál oinsá nia apoiu dokumentu ba kongresu nasionál atualiza iha CDTL tanba sira iha responsabilidade ba assosiasaun desportu iha rai doben ne’ebé mak halo ona kongresu bele submete dokumentu, maibé balun sei iha faze preparasaun nia laran karik realiza ona bele submete dokumentu ba CDTL hodi atualiza tanba ne’e ba interese komum orgaun desportiva nian
ADS
